Mateo 24:4 - Manobo Western Bukidnon

⁴ Ne midtavak si Jesus te, “Andam kew wey kenè kew mekesundan te teruen he etew.

Mateo 24:4 Кръстосани препратки

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Gelasya 6:3

Ke zuen minsan hentei he kunaan din ke wazà kurang te menge ulaula zin su pudu meupiya, nelimbungan din is gehinawa zin.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Ipisu 5:6

Su tenged kayi he menge ulaula, utew egkepeuki te Megbevayà keuzemà is menge etew he kenà ebpemineg te menge sug̵ù din. Ne tenged dutun, kenè niw itug̵ut he meketuu kew te tarù he penurù te minsan hentei he etew pinaag̵i te menge ketezengan dan he kenà tutuu.

Kulusas 2:18

Duen daan menge etew he egkag̵i he lavew sikandan tenged te zuen kun menge egkein-inuwan he impaahà kandan wey tenged te kenè dan mepelevawen. Ne ibpenurù dan he kinahanglan he ebpekeazap ki te menge velinsug̵uen te Megbevayà ziyà te langit. Kenè niw, menge suled, itetenged is kedsudì dan keniyu su is iring dutun he etew, ne ebpezalig dà, iyan, wazà hustu he ketezengan te kebpezalig dan su iyan ebayàbayà te isip dan is kelibutanen he kebayè dan.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

2 Tiselunika 2:3

Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.