Mateo 24:37 - Manobo Western Bukidnon

³⁷ Ne siak is Kakey te Menusiyà, keuzemà te timpu te kedlikù ku zini te kelibutan, ebpekeiring is menge ulaula te menge etew zutun duen te menge ulaula zengan te menge etew zuen te timpu ni Noe.

Mateo 24:37 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 24:27

Su siak is Kakey te Menusiyà, iring is kedlikù ku te kilat he idtik-ew ibmerayag te tivuuk he langit puun te edsilaan pehendiyà te edsenlepan. Egkeahà heini te langun.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 24:30

Ne zutun, siak is Kakey te Menusiyà, egkeahà diyà te langit is tuus te kebpekeuma ku. Ne zutun utew egkengeseeng is langun he menge etew zini te kelibutan. Ne egkeehè e zan is Kakey te Menusiyà diyà te menge g̵apun su ebpekeuma a. Ne utew zekelà is gehem ku wey utew merayag is ked-anlag ku.

Mateo 24:39

Ne wazà diyà te isip te menge etew sikan is egkehitavù kandan taman te midlapey is dag̵at ne nengelened sikandan. Ne iring ded dutun keg̵aan is kegketik-ew te kedlikù ku te Kakey te Menusiyà keuzemà.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

2 Pedro 2:5

Wazà daan pesegdana te Megbevayà is tivuuk he menusiyà dengan su impelapey zin is dag̵at ne nengelened is langun he wazè dan kedtahud kandin. Iyan dà midlibri zin si Noe he nekepenurù te metazeng he ulaula wey zuen pa pitu he etew he midlibri zin daan.

2 Pedro 3:6

Ne pinaag̵i zaan te wahig, midlimas dengan te Megbevayà is tivuuk he menusiyà dini te lumpad.