Mateo 24:17 - Manobo Western Bukidnon

¹⁷ Sikan is etew he egkeserengà diyà te g̵awas te valey zin, kenè en med-usik-usik pa te timpu te kedseled diyà te valey he egkuwa te minsan hengkey te azen din.

Mateo 24:17 Кръстосани препратки

Mateo 10:27

Is menge lalag ku he iyan kew zà nekezineg, ipenudtul niw ziyà te minsan hentei. Is idnaasnaas ku keniyu, isangyew niw ziyà te langun he menge etew.

Mateo 24:16

mebpelag̵uy zan is diyà te prubinsya he Hudiya pehendiyà te menge vuvungan.

Mateo 24:18

Sikan is etew he ziyà egkeserengà te pemuleey zin, kenè en med-ulì te kegkuwa te malung din.

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Lucas 12:3

Is langun he ednèneesen niw te mezukilem, ne egkezineg ke maandew wey is minsan hengkey he egkegkeg̵iyen niw he meeles diyà te rug̵u niw, ne egketuenan ded te mezakel he menge etew ziyà te tiyenggiyan.

Lucas 5:19

Ne g̵eina te nepurung mehasek is menge etew zutun te valey ne wazè dan ikevayà sikandin dutun. Diyè dan mebayà te atep ne mibudsiyan dan is atep he renged ni Jesus ne haazà is duyanà he zutun is etew he minatey is divaluy he lawa zin, midteyuntun dan dutun te teliwazà te menge etew he zutun si Jesus.

Nengeulaula 10:9

Ne hein neudtu te ilis he andew zutun, diyè dan pa te zalan ne meg̵aan dan en ebpekeuma ziyà te Hupi. Ne te iyan haazà daan he timpu, si Pedro, mibpemenahik diyà te perenggayà he atep te valey he patag is atep din su ed-ampù te Megbevayà.