Mateo 24:14 - Manobo Western Bukidnon

¹⁴ Ne idsangyew ziyà te tivuuk he kelibutan heini is Meupiya he Tudtulanen te keag̵i te kedhadì te Megbevayà wey metueni heini te tivuuk he menusiyà. Ne emun egkepasad en haazà ne iyan en ketepusan.

Mateo 24:14 Кръстосани препратки

Mateo 10:7

Ipesavut niw kandan he meg̵aan en edhadì te menusiyà is Megbevayà.

Mateo 18:19

Ne heini zaan is ibpesavut ku keniyu: ke zuen minsan hengkey he ebuyuen niw ziyà te Megbevayà he neuyunan te minsan dezuwa zà keniyu zini te tanà, ibeg̵ey heini keniyu te Amey ku he Megbevayà he ziyà te langit.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 24:6

Egkezineg niw ziyà te uvey niw is meg̵urub tenged te g̵ira ne egkezineg niw zaan is tudtul te menge g̵ira ziyà te meziyù he tanà. Iyan, kenè kew mahandek su kinahanglan he egkeulaula is iring kayi te kenè pa edtepusen heini is timpu.

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Marcos 13:10

Su te kenè pa egketapus haazà is timpu, kinahanglan he ihuna ipesavut is Meupiya he Tudtulanen diyà te menge etew ziyà te langun he menge g̵inhedian.

Lucas 2:1

Ne hein iyan pa si Augusto hadì diyà te inged he Ruma, mibaal sikandin te velaud he mebpesinsus is langun he menge etew te seled te menge g̵inhedian he sakup din.

Lucas 24:47

Ne ibpesavut daan dutun he kinahanglan he edsug̵uen ku sikiyu te kebpenudtul te Meupiya he Tudtulanen. Ebpuunan niw is kebpenudtul niw zini te Hiruselim ne ieneb niw heini ipesavut te tivuuk he kelibutan. Ipesavut niw he kinahanglan he ed-iniyug̵an te menge etew is memezaat he ulaula ne human dan ebpeseyluwa te Megbevayà.

Lucas 4:5

Ne zutun mid-uwit si Jesus ni Setanas diyà te utew metikang ne te sengeperè dà dutun impeehè din is langun he g̵inhedian dini te kelibutan.

Nengeulaula 1:2

taman en te kebetuna kandin te Megbevayà pehendiyà te langit. Hein midhimetayan si Jesus ne nevanhew, mezakel is paag̵i te kebpaahaa zin te menge epustul te timaan he nevanhew en sikandin. Su seled te kepatan he andew zutun, layun sikandin ebpaahà kandan. Impenurù din kandan is kedhadì te Megbevayà. Ne te wazè pa sikandin betuna pehendiyà te langit, impenurù din daan pinaag̵i te g̵ehem te Wag̵as he Mulin-ulin is ebpeveelan din kandan te menge epustul he zaan he nepilì din.

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Nengeulaula 17:31

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Nengeulaula 17:6

Iyan, hein wazè dan sikandan maahà, midakep dan si Jason wey is duma pa he menge tumutuu zutun, ne miguyud dan diyà te menge upisyal zutun te inged dan te ebensag he egkag̵i te, “Heini is menge etew, nekevaal zan te samuk diyà te minsan hendei! Ne g̵untaan, kayi zan en maan te inged tew.

Nengeulaula 19:27

Ne tenged kayi kela ke meepesi te menge etew heini is menge vaal tew. Ne kenà duen dà taman su is lavew he ziwata tew he si Diana, kela ke meisip te menge etew he wazà pulus kayi te simbahan din wey egkeawà daan is kegkevantug din. Ne iyan sikandin edsimbahan te langun he menge etew kayi te Asya wey te minsan hentei te tivuuk he kelibutan.”

Nengeulaula 20:25

Midtukid ku sikiyu weliyi te kedhadì te Megbevayà Ne g̵untaan netuenan ku en he kenà ad maan keniyu egkeahà.

Ruma 10:18

Ne siguradu zuen egkag̵i he umba ves wazà meketuu is menge Hudiyu su wazè dan mezineg heini is kebpesavut, iyan, kenà egkehimu he wazè dan mezineg, su zuen insurat he Lalag te Megbevayà he edhenduen te, “Heini is lalag, ne nekeeneb is kebpenudtula kayi te tivuuk he menusiyà ne wazà taman te kedsengyawa kayi,” ke sikandin.

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.

Hibriyuhanen 1:6

Ne migkag̵i zaan is Megbevayà mehitenged te kakey he Anak din dutun te timpu te kedsug̵ua zin kandin dini te kelibutan, ke sikandin te, “Kinahanglan he ed-ezapen sikandin te langun he menge velinsug̵uen te Megbevayà.”

Hibriyuhanen 2:5

Ne ibpesavut ku keniyu is kelibutan keuzemà he id-ilis te Megbevayà kayi te kelibutan tew g̵untaan. Ne wazà pilia te Megbevayà is menge velinsug̵uen din he ebayàbayà dutun keuzemà he kelibutan,

Impezayag 14:6

Ne zutun neehè ku en maan is selakew en maan he velinsug̵uen he edlayang he utew mibpeketikang diyà te udtuwan. Ibpesavut din dutun is Meupiya he Tudtulanen he kenà egkehanew te minsan keenu. Impesavut din haazà te tivuuk he menusiyà, diyà te menge etew te minsan hengkey he kineg̵iyan wey minsan hendei he g̵inhedian, wey tribu, wey kepuun.

Impezayag 16:14

Menge mezaat he mulin-ulin haazà he zuen dan gehem te kebaal te egkengein-inuwan. Midsug̵ù sikandan su ibpetig̵um kandan is menge sundaru te langun he menge hadì dini te kelibutan su zutun te egkevantug he andew te kedsilut, egkengezaag sikandan te Megbevayà he Nengazen te langun.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.