Mateo 23:39 - Manobo Western Bukidnon

³⁹ Su egkeg̵iyen ku keniyu he kenè ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Mateo 23:39 Кръстосани препратки

Mateo 21:9

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Lucas 17:22

Ne migkag̵i si Jesus diyà te menge sumusundan din te, “Egkeuma is andew he utew zekelà pezem diyà te g̵ehinawa niw he meg̵aan metuman is timpu te kedlikù ku te Kakey te Menusiyà, iyan, kenè pa egkehitavù.

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 14:9

Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 8:21

Ne mid-uman megkag̵i si Jesus diyà te menge egalen te menge Hudiyu, ke sikandin te, “Ed-ewaan ku sikiyu ne ebpen-ahaan a keniyu, iyan, ebpematey kew zà duen he kenà egkepeseylu is menge salè niw. Ne ke hendei a ebpekepevayà kenè kew ebpeketelukun.”

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Juan 8:56

Sikan is kepuun niw he si Abraham, utew sikandin nelipey zengan su netuenan din he ibpehendini a te kelibutan umba nelipey sikandin su ebpeebuten e zin.”

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.