Mateo 23:29 - Manobo Western Bukidnon

²⁹ Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Mideyzeyanan niw is menge valey he vatu he iyan inlungun niw te menge lawa te nemematey zengan he menge metazeng wey ebpemeneuven te Megbevayà.

Mateo 23:29 Кръстосани препратки

Mateo 23:27

Kehizu niw, te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Iring kew te valey he vatu he iyan lungun he mibpintalan te meputì he zutun idsavuk is lawa te nemematey. Meupiya he ed-ahaan diyà te g̵awas, iyan, dutun te seled din ne menge tulan te minatey he nengeredak en.

Mateo 23:28

Iring kew zutun su emun ed-ahaan kew te etew henduen be te meupiya is ulaula niw, iyan, diyà te g̵ehinawa niw, dutun is kedtarùtarù wey kedsupak te sug̵ù te Megbevayà.

Mateo 23:30

Ne egkag̵i kew te, ‘Angin ke neetew kiw en dutun te timpu te menge kepuun tew he mibpenhimetayan dan sikan is ebpemeneuven dengan te Megbevayà su kenè kiw mulà dutun edtampu te mibeelan dan.’

Nengeulaula 2:29

Ne impelaus ni Pedro haazà is egkeg̵iyen din, ke sikandin te, “Menge suled ku, netuenan tew he sikan is tipehuna he hadì tew he si David dengan, neug̵et en he minatey wey inleveng ne wazè pa mahanew is leveng din.