Mateo 22:6 - Manobo Western Bukidnon

⁶ Ne is duma he etew zutun, migewezan dan haazà is midsug̵ù te hadì, ne mibpemug̵el zan ne human dan himetayi.

Mateo 22:6 Кръстосани препратки

Mateo 22:5

Iyan, henduen be te wazà mekezineg haazà is menge etew. Wazè dan iniyug̵i is menge vaal zan. Is sevaha, ne ziyà te pemuleey zin ne is sevaha, ne ziyà te tindahan din.

Mateo 22:7

Ne zutun utew nepauk haazà is hadì. Midsug̵ù din is menge sundaru zin ne sikan is nemumunù, mibpenhimetayan te menge sundaru ne mibinsulan dan is inged dutun te mibpenhimetayan dan.

Lucas 18:32

Siak is Kakey te Menusiyà, ne ibpalad a ziyà te menge etew he kenà menge Hudiyu ne haazà he menge etew, ne edsumpeliten e zan, ed-el-elezen e zan, ne ebpengilevan e zan.

Nengeulaula 8:1

Ingkesuat utew ni Seulu is kedhimetayi zan ki Esteban. Ne inleveng si Esteban te menge tumutuu te Megbevayà. Utew zan ingkeseeng haazà ne midlendag̵an dan. Ne puun dutun te andew te kebpatey ni Esteban, is menge tumutuu, ebpemesipelahan en sikandan te menge punuan he menge Hudiyu ziyà te Hiruselim, ne mibpemelag̵uy zan ne nekedsusuwey zan diyà te tivuuk he prubinsya he Hudiya wey Semarya. Iyan dà wazà mekepelag̵uy is menge epustul.

Hibriyuhanen 13:3

Kenè niw lipati is kedtavang niw te menge tumutuu he pirisu. Purungi niw sikandan he iring te iyan kew nepirisu. Tevangi niw zaan is menge tumutuu he ebpesipelahan he iring te iyan is keugelingen niw he lawa nepesipelahan.