Mateo 22:46 - Manobo Western Bukidnon

⁴⁶ Ne wazà neketavak ki Jesus dutun te minsan hengkey he menge insè din, ne puunè dà dutun wazè en maan nekeaku he ebpenginginsè pa maan kandin.

Mateo 22:46 Кръстосани препратки

Mateo 21:27

Umba, iyan tavak dan dutun ki Jesus is, “Hanew ta.” Ne migkag̵i si Jesus diyà te kandan te, “Kenè ku zaan egkeg̵iyen keniyu ke hengkey is ketenged ku te kebaal kayi te langun,” ke sikandin.

Mateo 22:45

Ne ke si Jesus diyà te kandan te, “Emun migkag̵i ni David he Nengazen din sikan is ebperetengen he ibpahadì, egkehimu ve he kevuwazan dà duen ni David?”

Marcos 12:34

Ne nesavut ni Jesus he utew hustu haazà is migkag̵i zutun te menunudlù ne migkag̵i si Jesus te, “Benar heeyan; meseyun ka ebpekepahadì te Megbevayà.” Ne zutun wazè en maan nekeaku pa he egezam ki Jesus pinaag̵i te minsan hengkey he insè.

Lucas 13:17

Ne haazà is tavak ni Jesus, utew ingkeeled te menge kuntada zin. Ne is duma zutun he mezakel he menge etew, utew zan nengelipey te langun he menge egkengein-inuwan he mibeelan din.

Lucas 14:4

Iyan, wazè dan tevaka si Jesus, ne zutun migewezan ni Jesus haazà is egkezeruwan ne zutundutun ne neulian. Ne impeulì sikandin ni Jesus.

Lucas 14:6

Ne zutun ne wazè dan meketavak.

Lucas 20:40

Umba nekag̵i zan heini su kenè dan en ebpekesukul pa maan he ed-insà ki Jesus.

Nengeulaula 4:14

Ne edsumpeliten dan pezem haazà is egkein-inuwan he mid-ulaula eni Pedro, iyan, geina te zutun daan kes etew he neulian wazè en egkekag̵i zan.

Nengeulaula 7:32

‘Iyan a Megbevayà he ed-ezapen te menge kepuun nu he si Abraham, wey si Isaak, wey si Hakub.’ Ne migkerker si Moises ne wazà mekeaku te kedtengteng dutun su nahandek.