Mateo 22:30 - Manobo Western Bukidnon

³⁰ Su emun egkengevanhew en is menge minatey ne iring en sikandan te menge velinsug̵uen te Megbevayà he ziyà te langit he kenà ebpees-eseweey is menge maama wey vahi.

Mateo 22:30 Кръстосани препратки

Mateo 13:43

Ne zutun, is menge metazeng mulà, iring te andew is anlag dan diyà te g̵inhedian te Amey zan he Megbevayà. Sevuta niw heini is nezineg niw.

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 22:31

Egug̵uzan ku sikiyu wey kew mevenari he egkevanhew is menge minatey. Wazè niw ves mevasa sikan is insurat he Lalag keniyu te Megbevayà?

Mateo 24:38

Su te wazè pa medlapey is dag̵at, wazà diyà te isip dan ke hengkey is egkehitavù. Iyan dà neisip te menge etew is kegkebibu ne migkaan dan ne mid-inum dan ne mibpees-eseweey zan taman te midseled en si Noe te zekelà he avang he egngezanan te arka.

Lucas 17:27

Su zengan te keazen pa ni Noe, iyan dà neisip te menge etew is kegkebibu ne migkaan dan ne mid-inum dan ne mibpees-eseweey zan taman te midseled ensi Noe zuen te utew zekelà he avang he egngezanan te arka ne hein midlapey is dag̵at nengelened maamin haazà is menge etew.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.