Mateo 22:17 - Manobo Western Bukidnon

¹⁷ Umba, keg̵iyi key kenikew, ke ebpekesupak ki ve te kesug̵uan tew ke ebayad ki te vuhis diyà te hadì tew he ziyà te inged he Ruma?”

Mateo 22:17 Кръстосани препратки

Mateo 17:25

Ne midtavak si Pedro te, “Uya, ebayad sikandin.” Ne hein mid-ulì dutun si Pedro ziyà te valey, iyan si Jesus mid-insà kandin te, “Simon, hengkey is ked-isipa nu kayi? Penenglitan, kayi te kelibutan hentei is ebayad te sidula ziyà te hadi? Iyan be is menge mesipeg din wey ke iyan be is kenè din kezuzumahi?” Ne ke si Pedro te, “Iyan is kenè din kezuzumahi.”

Mateo 22:18

Ne netuenan ni Jesus ke hengkey is mezaat he ziyà te g̵ehinawa zan ne ke sikandin te, “Teruen kew, maan is egezaman a keniyu?

Lucas 2:1

Ne hein iyan pa si Augusto hadì diyà te inged he Ruma, mibaal sikandin te velaud he mebpesinsus is langun he menge etew te seled te menge g̵inhedian he sakup din.

Lucas 20:22

Hengkey is isip nu? Ebpekesupak ki ve te kesug̵uan tew ke ebayad ki te vuhis diyà te hadì tew ziyà te inged he Ruma?”

Lucas 3:1

Ne zutun te ikesepulù wey lelima he tuig te kedhadì ni Hadì Tibiryu ziyà te inged he Ruma duen impesavut te Megbevayà diyà te ki Juan he anak ni Zacarias. Ne ziyà si Juan te tanà he wazà duen ed-ubpà he menge etew. Ne zutun he timpu iyan gubirnedur ziyà te prubinsya he Hudiya si Punsyu Pilatu. Ne ziyà te prubinsya he Geliliya iyan gubirnedur si Hirudis. Ne si Felipe, is hazi ni Hirudis, iyan gubirnedur ziyà te menge prubinsya he Iturya wey Terekuniti. Ne si Lisanyas, iyan gubirnedur diyà te prubinsya he Ebilinya. Ne si Anas wey si Keyipas, ne iyan menge lavew he memumuhat diyà te inged he Hiruselim.

Nengeulaula 17:7

Ne heini si Jason,” ke sikandan, “impepemenahik din sikandan diyà te valey zin. Pudu sikandan nekesupak te velaud te hadì tew ziyà te Ruma su egkeg̵iyen dan he iyan hadì is etew he egngezanan ki Jesus.”

Nengeulaula 25:8

Iyan, mibpengetezengan si Pablo he egkag̵i te, “Wazè e man mekesupak te kesug̵uan tew te menge Hudiyu, ne wazà a zaan mekesupak te simbahan tew wey lavew en is hadì tew he ziyà te inged he Ruma.”

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”

Nengeulaula 5:37

Ne zutun nekesunud si Hudas he tigGeliliya zutun te timpu te kedsinsusa te gubirnu te tivuuk he menge etew. Ne zuen dutun nemekesundan daan kandin, asal midhimetayan daan sikandin ne nemekedsusuwey zaan haazà is menge sumusundan din.