Mateo 22:12 - Manobo Western Bukidnon

¹² Ne ke sikandin te, ‘He Mama, maan is nekeaku ka he edtelavuk kayi te keemuran he wazè ka medsun-ud te bisti te eseweey?’ Iyan, wazà igketavak dutun te etew.

Mateo 22:12 Кръстосани препратки

Mateo 20:13

Ne migkeg̵iyan dutun te etew is sevaha kandan te, ‘Geli, wazè ku sikiyu lupig̵i. Su is mid-ulaula ku ne iyan neuyunan tew he tigsengeelad he pelata is idsuhul ku te uman sevaha keniyu.

Mateo 26:50

Ne migkag̵i si Jesus diyà te kandin te, “Pekezilepeti nu, Mama, is ed-ul-ulahan nu.” Ne midakep dutun te menge etew si Jesus ne mibpekehemenan dan te egawed.

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

1 Kurintu 4:5

Umba, kenè kiw edsawey te menge zuma tew, kekenà, edteg̵azan tew is kedlikù te Nengazen tew he si Jesus. Ibpeg̵awag̵awa zin dutun is nekeeles he menge vaal te menge etew g̵untaan, ne ibpetuenan din is wazè pa metueni he menge ed-isipen te menge etew. Ne zutun egketuenan te kada sevaha he etew ke zuen igkezelig̵i kandin te Megbevayà wey ke wazà.

Tito 3:11

Su egketuenan nu zutun he is etew he iring kayi, nekesuwey is isip din te hustu he ulaula. Minsan pa te netuenan din he mezaat is ulaula zin, ebpeniguduwan din gihapun.