Mateo 21:9 - Manobo Western Bukidnon

⁹ Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Mateo 21:9 Кръстосани препратки

Mateo 21:10

Ne hein nekeuma si Jesus diyà te Hiruselim, mibmeg̵urub is menge meg̵inged dutun. Ebpein-inseey zan ke, “Hentei sikandin?”

Mateo 21:15

Nengepauk is menge lavew he memumuhat wey menge menunudlù te kesug̵uan dutun hein neehè dan is egkengein-inuwan he mibeelan ni Jesus wey nezineg dan is menge vatà diyà te Valey te Megbevayà he ebpemenhabet egkag̵i te, “Tehuza is kevuwazan ni Hadì David!”

Mateo 23:39

Su egkeg̵iyen ku keniyu he kenè ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Lucas 13:35

Ne g̵untaan, utew mekevulungbulung heini is simbahan niw su mid-iniyug̵an kew en te Megbevayà. Su egkeg̵iyen ku he kenà ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Lucas 2:14

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”