Mateo 21:5 - Manobo Western Bukidnon

⁵ “Tudtuli niw is menge meg̵inged diyà te Siyun te, ‘Ebpekeume en guntaan is hadì niw. Kenà meinit is kedhadì din keniyu ne ed-untud sikandin te nati te asnu;’ ” iyan heini lalag dutun te ebpeneuven.

Mateo 21:5 Кръстосани препратки

Mateo 11:29

Beeli niw is idsug̵ù ku keniyu ne pepenurù kew kedì ne ebpekehimeley kew su kenà a eengeren ne kenà a ebpenlupig te minsan hentei.

Mateo 2:2

Ne in-insè dan ke, “Hendei ianak kes midtagnà he vatà he ebpekehadì te menge etew he Hudiyu? Neehè dey is kedlepew te vituen he iyan tuus te ked-enaka kandin ne tenged kayi midhendini key su ed-ezapen dey sikandin.”

Mateo 2:6

‘Sikiyu is menge tigBitlihim he ziyà ed-ubpà te prubinsya he Hudiya, egkevantug daan is inged niw iring te zuma he menge inged diyan te Hudiya su ziyà te keniyu ebpuun is edhadì te menge sakup ku he menge kevuwazan ni Israyil.’ ”

Mateo 21:6

Ne migenat haazà is midsug̵ù ni Jesus ne mid-ulaula zan is insug̵ù din.

Lucas 24:27

Ne zutun midseysey ni Jesus kandan ke hengkey is langun he menge lalag te Megbevayà mehitenged kandin he insurat te langun he menge ebpemeneuven te Megbevayà igenat dà ki Moises dengan taman te huziyan he menge ebpemeneuven.

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.