Mateo 21:43 - Manobo Western Bukidnon

⁴³ Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 21:43 Кръстосани препратки

Mateo 12:28

Su heini is gehem ku te kebpemug̵ew te mezaat he mulin-ulin, ne ziyà ebpuun te Wag̵as he Mulin-ulin he Megbevayà. Ne pinaag̵i kayi egketuusan he iyan en heini sikan is timpu te kedhadì te Megbevayà.

Mateo 21:41

Ne midtavak dan te, “Iyan is: ebpenhimetayan din haazà is impemeelima zin ne ebpeelimahan din maan haazà is perasan te selakew en he menge etew he ebeg̵ey mulà te vahin ke egkeuma is tirag̵un.”

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Mateo 21:44

Ne haazà he vatu, ke và dà egkeg̵iya, iyan sikandin kes mibpilì he hadì, ne emun egkeulug̵an te etew haazà, egkepurung egkerupet is egkeulug dutun. Iyan, ke zuen etew he egkeulug̵an dutun te vatu ne egkepurung egkeapug is lawa zutun te egkeulug̵an.”

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.