Mateo 21:35 - Manobo Western Bukidnon

³⁵ Ne hein nemekeuma haazà is menge sulug̵uen din, mibpemug̵el zutun te impemeelima zin te perasan is sevaha zutun. Ne is sevaha, midhimetayan dan, ne is sevaha pa zutun, midtuleng dan te vatu.

Mateo 21:35 Кръстосани препратки

Mateo 21:34

Ne hein tirag̵un en dutun, midsug̵ù din is menge sulug̵uen din he ibpekuwa te vahin din dutun te perasan din.

Mateo 21:36

Ne mid-uman medsug̵ù heini is etew te mezakel pa kenà is nengehuna he midsug̵ù din. Iyan, iyan ded gihapun mid-ulaula zutun te impemeelima zin te perasan is mid-ulaula zan dutun te nengehuna he sug̵ù din.

Mateo 5:12

Iyan daan heini kes mid-ulaula te menge etew zengan diyà te menge ebpeneuven te Megbevayà. Medlipey kew utew su utew zekelà is idsuhul keniyu keuzemà diyà te langit.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Impezayag 6:9

Ne in-awà dutun te nati he kerehidu haazà is ikelima en he tiyap dutun te velesahan. Ne neehè ku zutun te zizalem te vangkù he pemuhatà is menge g̵imukud te menge etew he midhimetayan tenged te kedtuu zan te Lalag te Megbevayà wey tenged daan te kedsengyawa zan dutun te lalag.