Mateo 21:33 - Manobo Western Bukidnon

³³ Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Mateo 21:33 Кръстосани препратки

Mateo 13:18

Ne mid-uman megkag̵i si Jesus te, “Pemineg kew wey niw mesavut is kehulug̵an kayi te sempità te keag̵i te etew he ebpemula.

Mateo 20:1

Ne migkag̵i si Jesus te, “Is kedhadì te Megbevayà he ziyà te langit, iring te etew he zuen din menge pinemula he g̵awed he egngezanan te paras. Ne midselemselem haazà is etew mebpengahà te etew he edsuhulan din he ibpeterebahu zin dutun te perasan din.

Mateo 21:28

Ne mid-uman megkag̵i si Jesus diyà te kandan te, “Hengkey is isip niw kayi? Duen etew he zezuwa is anak din he maama. Mibeyaan din is kakey ne migkeg̵iyan din te, ‘Diyè ka g̵untaan, Mama, terebahu te perasan.’

Mateo 23:2

“Is menge menunudlù te kesug̵uan wey menge Perisiyu, insarig kandan is kebpenurù te kesug̵uan he imbilinbilin ni Moises.

Marcos 13:34

Su iring a te sevaha he etew he midhipanew he wazè din teleena ke keenu ed-ulì. Is menge sulug̵uen din ne impevantey zin te menge azen din. Ne mibpemeg̵ayan din is kada sevaha kandan te ketengdanan he ed-ul-ulahan dan dutun te kedhipanew zin. Ne migkeg̵iyan din is etew he impevantey zin te g̵emawan he kenà sikandin medlipezeng.

Lucas 19:12

Ne tenged dutun migkag̵i zin heini is sempità. Ke sikandin te, “Duen sevaha he prinsipi he midtawag te lavew he hadì diyà te sengeg̵inhedian su edhimuwen sikandin he hadì dutun te kandin he inged. Ne emun egketapus haazà ne human ebpekeulì.

Juan 15:1

“Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.