Mateo 21:3 - Manobo Western Bukidnon

³ Ne ke zuen ed-insà keniyu ke maan is edhekazan niw, ne ke sikiyu te, ‘Egkinehenglanen heini te egalen tew he si Jesus.’ Ne segugunà idtug̵ut dutun te ed-insà keniyu he uwita niw haazà is asnu zuma is nati zin,” ke si Jesus.

Mateo 21:3 Кръстосани препратки

Mateo 21:2

ke sikandin te, “Hendutun kew te inged he egkeumahan tew. Ne egkeehè niw zutun is intagkes he asnu he zuen din nati. Hekazi niw ne uwita niw zini zuma is nati zin.

Mateo 21:4

Umba egkeulaula heini is migkag̵i ni Jesus su egketuman kes netagnà te ebpeneuven te Megbevayà dengan he edhenduen te,

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

Nengeulaula 17:25

ne wazà minsan hengkey he egkeveelan te etew he egkinehenglanen din. Su iyan sikandin ebeg̵ey te g̵ehinawa wey untung wey is minsan hengkey ziyà te langun he menge etew.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

Santiago 1:17

Is minsan hengkey he ibeg̵ey kenitew he meupiya he wazè din kurang, ne ziyà ebpuun te Megbevayà he iyan nenlimbag te langun he edsig̵a ziyà te langit. Egkengehalinhalin heini, iyan, is Megbevayà, kenà mulà sikandin edhalin, ne kenà egkehalin te minsan hengkey.