Mateo 21:26 - Manobo Western Bukidnon

²⁶ Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Mateo 21:26 Кръстосани препратки

Mateo 11:9

Ne hengkey is inhilesunga niw? Ed-ehè kew ve te etew he ebpeneuven te Megbevayà? Iyan haazà tutuu he ed-ahaan niw su ebpeneuven iyan si Juan. Iyan, kenà te ebpeneuven dà

Mateo 21:11

Ne midtavak is mezakel he menge etew he nemenduma ki Jesus te, “Iyan sikandin sikan is ebpeneuven te Megbevayà he si Jesus he tigNeserit diyà te Geliliya.”

Mateo 21:25

Hentei is mibeg̵ey ki Juan Megbebewtismu te ketenged din te kebpemewtismu? Megbevayà be wey ke etew zà?” Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ed-insà sikandin ke maan is wazè tew tuuwi si Juan.

Mateo 21:27

Umba, iyan tavak dan dutun ki Jesus is, “Hanew ta.” Ne migkag̵i si Jesus diyà te kandan te, “Kenè ku zaan egkeg̵iyen keniyu ke hengkey is ketenged ku te kebaal kayi te langun,” ke sikandin.

Mateo 21:46

Iyan, hein ed-isipen dan en edekepa si Jesus, kenè dan egkehimu su egkehandek dan te mezakel he menge etew su midtuu is menge etew he ebpeneuven si Jesus te Megbevayà.

Marcos 11:32

Ne emun egkag̵i kiw he etew zà, ne egkepeukan kiw te menge etew.” (Umba migkag̵i zan heini su nahandek dan te menge etew su midtuu is langun he menge etew he ebpeneuven si Juan Megbebewtismu te Megbevayà.)

Marcos 12:12

Ne zutun, haazà is menge punuan te menge Hudiyu, nesavut dan he iyan sikandan ebpesumbingayan ni Jesus dutun te sempità he migkag̵i zin, ne ed-isipen dan en pezem edekepa si Jesus, iyan, wazè dan mehimu haazà is ed-isipen dan su nahandek dan te mezakel he menge etew. Ne zutun nepesagdan dan si Jesus ne mid-ewaan dan.

Marcos 6:20

Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Lucas 22:2

Ne zutun, is menge punuan he memumuhat wey is menge menunudlù te kesug̵uan, ebpengahà te paag̵i te kegkehimetayi zan ki Jesus he kenà egketuenan te mezakel he menge etew su egkehandek dan te menge etew.

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Juan 9:22

Umba iyan haazà tavak dutun te menge g̵inikanan din su nahandek dan te menge punuan he Hudiyu su neuyun en he zaan is menge punuan he ke zuen egkag̵i he iyan si Jesus sikan is mibpilì te Megbevayà he ibpahadì, ne haazà is egkag̵i, kenè dan en ibpeseled te menge simbahan dan.

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.