Mateo 21:23 - Manobo Western Bukidnon

²³ Midlikù si Jesus diyà te simbahan he Valey te Megbevayà ne mibpenurù din is menge etew zutun. Ne nemekeuma is menge lavew he memumuhat wey menge ebmeg̵urangen te menge Hudiyu zutun ne mid-insè dan ki Jesus te, “Heini is langun he ed-ul-ulahan nu zini te simbahan, duen nu ve ketenged te ked-ulaula kayi, wey hentei is mibeg̵ey kenikew te ketenged wey nu meulaula heini?”

Mateo 21:23 Кръстосани препратки

Mateo 20:4

Ne migkeg̵iyan din haazà is menge etew te, ‘Terebahu kew ziyà te perasan ku ne edsuhulan ku sikiyu te hustu.’

Mateo 21:24

Ne midtavak si Jesus te, “Duen daan id-insè ku keniyu, ne emun edtevaken a keniyu, edtevaken ku zaan sikiyu ke hengkey is kediey he ketenged te ked-ulaula ku kayi te langun.

Mateo 24:1

Ne migawas si Jesus puun dutun te Valey te Megbevayà. Ne te ked-awè din dutun, mid-uvayan sikandin te menge sumusundan din su ibpeehè dan kandin is Baley te Megbevayà wey is menge valey he ziyà te uvey zutun.

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Lucas 20:1

Ne sevaha he andew zutun ne midlikù si Jesus diyà te zekelà he simbahan he egngezanan te Valey te Megbevayà ne mibpenurù din is menge etew, ne impesavut din kandan is Meupiya he Tudtulanen. Ne zutun mibeyaan sikandin te punuan te menge memumuhat wey menge menunudlù te kesug̵uan wey is menge ebmeg̵urangen te menge Hudiyu,

Nengeulaula 4:7

Ne impeetuvang dan si Pedro wey si Juan, ne mid-insaan dan te, “Hengkey heini he g̵ehem is ingkeulii kayi te kenà ebpekehipanew, ne hentei is mibeg̵ey keniyu kayi te g̵ehem?”

Nengeulaula 7:27

Iyan, haazà is nekesalà te zuma zin, kenà ebpemineg; intukù din si Moises, ne ke sikandin te, ‘Hentei is mibeg̵ey kenikew te keg̵ehem te kedatùdatù kenami?