Mateo 21:17 - Manobo Western Bukidnon

¹⁷ Ne mid-ewaan din sikandan ne mid-awà sikandin dutun te inged he Hiruselim ne midhendiyà te inged he Bitanya, ne zutun medhizeg̵à.

Mateo 21:17 Кръстосани препратки

Mateo 16:4

Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Mateo 26:6

Ne hein diyà si Jesus te inged he Bitanya, diyà sikandin te valey ni Simun te it-iten he neulian en.

Marcos 11:1

Ne hein uvey zan en diyà te inged he Hiruselim su ebpekeuma zan en diyà te inged he Bitpagi wey inged he Bitanya he ziyà te vuvungan he egngezanan te Ulivuwan, midsug̵ù ni Jesus is dezuwa te menge sumusundan din.

Marcos 11:11

Ne hein nekeume en ensi Jesus diyà te Hiruselim midseled sikandin diyà te lavew he simbahan te menge Hudiyu he egngezanan te Valey te Megbevayà. Ne hein neehè din is langun dutun te seled te simbahan, mid-awà sikandin dutun. Ne g̵eina te mahapun en midhendiyà te inged he Bitanya zuma is menge sumusundan din.

Marcos 11:19

Ne zutun te midsanlep en is andew, mid-awà ensi Jesus dutun te inged.

Marcos 14:3

Ne sevaha he timpu zutun he ziyà si Jesus te inged he Bitanya, diyà sikandin te valey ni Simon te it-iten he neulian en. Ne zutun te egkaan dan, nekeuma is bahi he ed-uwit te pelenahan he mibeelan puun te vatu he elebastru he midteg̵uan haazà is pelenahan te mehemut he agwa he mahal utew su lunsey he nardu. Ne mid-uvayan si Jesus dutun te vahi ne midrupet din haazà is bivig dutun te pelenahan ne imbusbus din diyà te ulu ni Jesus haazà is agwa.

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

Lucas 10:38

Ne hein midlaus ensi Jesus, ne nekeuma zan diyà te sevaha he inged he zuen dutun bahi he egngezanan ki Marta. Impepemenahik ni Marta si Jesus dutun te valey zin.

Lucas 19:29

Ne hein uvey zan en diyà te inged he Bitpagi wey ziyà te inged he egngezanan te Bitanya he ebpeketekezeg dutun te vuvungan he egngezanan te Ulivuwan, ne midsug̵ù ni Jesus is dezuwa te menge sumusundan din.

Lucas 24:50

Ne te nekepasad si Jesus dutun is egkag̵i ne mid-uwit din sikandan diyà te g̵awas te inged he Hiruselim, ne hein diyè dan en te uvey te inged he egngezanan te Bitanya, ne imbayew zin is menge velad din su ebpenubtuvazan din sikandan.

Juan 11:1

Duen maama he nezeruwan. Is ngazan din si Lazaro he tigBitanya. Duen dezuwa he etevey zin he zutun daan ed-ubpà te Bitanya, si Maria wey si Marta.

Juan 11:18

Is inged he Bitanya, uvey zà te inged he Hiruselim su menge tetelu zà he kilumitru is elang.