Mateo 21:12 - Manobo Western Bukidnon

¹² Ne midseled si Jesus diyà te Valey te Megbevayà ne mibpenegseg din dutun is menge limbungan he etew zutun he ebpememelegyà wey ebpememasa. Mibpemiley zin is menge lemisahan te ebpemenliwà te menge selapì wey is menge pinuuwà te menge ebpememelegyà te ibpemuhat he merepatik.

Mateo 21:12 Кръстосани препратки

Marcos 11:11

Ne hein nekeume en ensi Jesus diyà te Hiruselim midseled sikandin diyà te lavew he simbahan te menge Hudiyu he egngezanan te Valey te Megbevayà. Ne hein neehè din is langun dutun te seled te simbahan, mid-awà sikandin dutun. Ne g̵eina te mahapun en midhendiyà te inged he Bitanya zuma is menge sumusundan din.

Lucas 2:24

Ne si Maria wey si Jose, duen impemuhat dan dutun su sumalà is insug̵ù dengan te Nengazen ne kinahanglan he zuen dezuwa he limuken ne emun kenà ne zezuwa he merepatik he ibpemuhat te sikan pa med-anak.

Juan 2:13

Meg̵aan en dutun edtumana te menge Hudiyu ziyà te inged he Hiruselim is Pista te Kedlevayi. Ne tenged kayi midhendiyà ensi Jesus te Hiruselim.