Mateo 20:5 - Manobo Western Bukidnon

⁵ Ne midterebahu haazà is menge etew. Ne hein neudtu en is andew zutun, midlikù en maan haazà is etew pehendutun te tiyenggiyan. Ne iring din ded hein liwazà ebpenaug is andew.

Mateo 20:5 Кръстосани препратки

Mateo 20:4

Ne migkeg̵iyan din haazà is menge etew te, ‘Terebahu kew ziyà te perasan ku ne edsuhulan ku sikiyu te hustu.’

Mateo 20:6

Ne hein meg̵aan en edsanlep is andew, midlikù en maan sikandin dutun te tiyenggiyan. Ne neehè din dutun is menge etew he wazè dan terebahu, ne migkeg̵iyan din te, ‘Maan is tekew kew en kayi ed-uubpaubpà te egkehepunan en ne kenè kew edterebahu?’

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Juan 1:39

Ne midtavak si Jesus te, “Duma kew kedì wey niw maahà.” Ne miduma zan ne neehè dan is ed-ubpaan din. Mahapun en dutun ne wey zan med-ulì hein mezukilem en.

Juan 11:9

Ne midtavak si Jesus te, “Sepulù wey zezuwa he uras is sengeandew, ne ke zuen edhipanew te maandew kenà ebpekesipà su egketeyawan sikandin te andew.

Juan 4:6

Ne zutun daan sikan is kalut he mibeelan dengan ni Hakub, ne si Jesus, geina te utew neveley te kedhipanew zin, mibpinuu zutun te uvey te kalut. Ne zutun neudtu is andew. Wazè din duma su is menge sumusundan din, midhendiyè dan te inged su ebpemasa te egkeenen. Ne zuen nekeuma zutun he vahi he tigSemarya su edsekezu ne migkeg̵iyan sikandin ni Jesus te, “Bayi, ipeinum e kun.”

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Nengeulaula 10:9

Ne hein neudtu te ilis he andew zutun, diyè dan pa te zalan ne meg̵aan dan en ebpekeuma ziyà te Hupi. Ne te iyan haazà daan he timpu, si Pedro, mibpemenahik diyà te perenggayà he atep te valey he patag is atep din su ed-ampù te Megbevayà.

Nengeulaula 3:1

Ne sengeandew te zutun he timpu mibpezumahà si Pedro wey si Juan is edtekezeg pehendiyà te Valey te Megbevayà su uras en te ked-ampù su liwazè en he ebpenaug is andew.