Mateo 20:34 - Manobo Western Bukidnon

³⁴ Ne nehizuwan sikandan ni Jesus ne midampè din is menge mata zan. Ne zutundutun nepuwasan is ked-ehè dan, ne miduma zan ki Jesus.

Mateo 20:34 Кръстосани препратки

Mateo 14:14

Ne hein nekezunggù ensi Jesus, neehè din is mezakel he menge etew. Ne utew zin nengehizuwi sikandan ne mibewian din is egkengezeruwan dutun ne nengeulian.

Mateo 15:32

Ne mid-umew ni Jesus is menge sumusundan din, ke sikandin te, “Kehizu kayi he menge etew su tetelu en he kezukileman is wazè dan medsuwey kediey, ne wazè dan en egkekaan. Kenà meupiya he ebpekeulì sikandan te wazè dan mekekaan su kela ke luyahi sikandan diyà te zalan.”

Mateo 20:33

Ne midtavak dan te, “Datù, iyan kinahanglan dey is mekeehè key.”

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 8:15

Ne midampà ni Jesus is belad dà dutun te meritan ne zutundutun neulian. Ne mid-enew haazà is meritan ne midsuba sikandin te ibpekaan din engki Jesus.

Mateo 9:29

Ne zutun midampà ni Jesus is mata zan ne ke sikandin te, “Berakat he meulii kew tenged te kedtuu niw.”

Mateo 9:36

Ne kada zin egkeahà is mezakel he menge etew zutun, egkengehizuwan din sikandan su mezakel is menge seeng dan ne wazà ebpeketavang kandan. Iring sikandan te menge ayam he kerehidu he wazà ed-elima kandan.

Marcos 7:33

Ne zutun mid-ag̵ak ni Jesus haazà is bengel he ngulit su idsivey zin dutun te menge etew ne intiyuk din is tezù din dutun te telinga te vengel ne midhames din te ileb din is tezù din ne indazas din dutun te zilà te etew.

Lucas 18:43

Ne segugunà nekeahà haazà is lakap. Ne zutun midumazuma en sikandin ki Jesus is utew nekezalig te Megbevayà. Ne haazà is menge etew he nemekeahà dutun, ne nemekezalig dan daan te Megbevayà.

Lucas 22:51

Ne zutun migkag̵i si Jesus diyà te menge sumusundan din te, “Ereg kew!” Ne zutun inlikù ni Jesus haazà is telinga zutun te nelepungan ne henduen te wazà pig̵eyanan gihapun te telinga zin.

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.