Mateo 20:31 - Manobo Western Bukidnon

³¹ Ne nepeukan sikandan te menge etew zutun ne migkeg̵iyan sikandan te menge etew he med-engked dan he ebpengumew. Iyan, nasì en mesug̵ù sikandan is ebpengumew te, “He Nengazen he kevuwazan ni David, kehizuwi key!”

Mateo 20:31 Кръстосани препратки

Mateo 15:23

Iyan, kenà edseg̵ipaan ni Jesus. Ne zutun, mid-uvayan si Jesus te menge sumusundan din; ne midhangyù dan he ke sikandan te, “Ipeulì nu heeyan is bahi su kenà edsuwey kenitew he ebpekeuringer.”

Mateo 19:13

Duen menge vatà he mid-uwit te menge etew ziyà te ki Jesus wey zin mezepeneti te palad din wey mepenubtuvazi. Ne midawey heini te menge sumusundan din.

Mateo 20:30

Ne zuen dezuwa he lakap he ebpimpinuu diyà te kilid te zalan. Ne hein netuenan dan he edsag̵ad si Jesus dutun, mid-umew zan is egkag̵i te, “He Zatù, kehizuwi key kenikew su iyan ka sikan is netagnà he kevuwazan ni Hadì David!”

Mateo 20:32

Ne zutun midteren si Jesus ne migkag̵i ziyà te kandan te, “Hengkey is kinahanglan niw he ed-ul-ulahan ku keniyu?”

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Lucas 18:39

Ne haazà is menge etew he edhuhuna ki Jesus, ne midawey zan haazà is etew wey med-engked sikandin, iyan, nasì en ebpekezag̵ing sikandin he egkag̵i te, “He kevuwazan te hadì dengan he si David, kehizuwi a kenikew!”

Kulusas 4:2

Ne sikiyu is langun, pekehamen kew ampù ne purungi niw is ked-isip niw ke ed-ampù kew wey layun niw peselemati te Megbevayà is gag̵ew zin keniyu.