Mateo 20:30 - Manobo Western Bukidnon

³⁰ Ne zuen dezuwa he lakap he ebpimpinuu diyà te kilid te zalan. Ne hein netuenan dan he edsag̵ad si Jesus dutun, mid-umew zan is egkag̵i te, “He Zatù, kehizuwi key kenikew su iyan ka sikan is netagnà he kevuwazan ni Hadì David!”

Mateo 20:30 Кръстосани препратки

Mateo 13:4

Ne zutun te kebpemula zin duen benì he nengeulug diyà te zalan, ne heini migkaan te menge tagbis.

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 20:31

Ne nepeukan sikandan te menge etew zutun ne migkeg̵iyan sikandan te menge etew he med-engked dan he ebpengumew. Iyan, nasì en mesug̵ù sikandan is ebpengumew te, “He Nengazen he kevuwazan ni David, kehizuwi key!”

Mateo 21:14

Ne nemenelavuk kandin dutun te Valey te Megbevayà is menge lakap wey menge piang ne nengeulian din sikandan is langun.

Mateo 21:9

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Mateo 22:42

“Hengkey is isip niw? Kes mibpilì te Megbevayà he ibpahadì, hentei ki kevuwazan sikandin?” Ne midtavak dan te, “Kevuwazan sikandin ni Hadì David.”

Marcos 10:46

Ne nekeuma zan diyà te inged he Hiriku, ne hein ed-awà ensi Jesus wey is menge sumusundan din dutun, utew mezakel is menge etew he nemenduma kandin. Ne zuen lakap dutun he mekelilimus he egngezanan ki Bertimeo he anak ni Timiyu. Ne ebpimpinuu haazà is mekelilimus dutun te kilid te zalan.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

Lucas 7:21

Ne zutun he andew, mezakel is menge etew he nengeulian ni Jesus te menge zaru wey ebpenggezamen dan. Impemeg̵uwè din dutun te menge etew is menge mezaat he mulin-ulin he ebpenlalung kandan ne midhimu zin he mekeahà is mezakel he menge lakap.

Nengeulaula 2:30

Ne si David, geina te mibpenaub te Megbevayà, nesavut din ke hengkey is impenaad kandin te Megbevayà su si David, iyan penaad kandin te Megbevayà is: keuzemà duen kevuwazan din he egkehimu he hadì he iring kandin.