Mateo 20:24 - Manobo Western Bukidnon

²⁴ Ne hein nezineg haazà duen te zuma zan he sepulù he sumusundan, wazè dan ikesuat is mibeelan dutun te zezuwa he telehazi.

Mateo 20:24 Кръстосани препратки

Mateo 20:23

Ne ke si Jesus te, “Benar iyan he ibpaantus keniyu is iring te ibpaantus kedì, iyan, kenà a iyan ebpilì ke hentei is ibpepinuu ziyà te zapit te egkekewanan ku wey ziyà te zapit te egkeg̵ivang ku, su iyan dà ebpekepinuu zutun sikan is etew he midteg̵enahan te Amey ku he Megbevayà.”

Mateo 20:25

Ne tenged dutun mid-umew ni Jesus sikandan langun ne ke sikandin te, “Netuenan ta he is menge punuan te menge inged, ne utew zan memevurut wey is menge zatù dan ne edatùdatù dà sikandan is layun ebmandar te menge etew.

Marcos 10:14

Ne hein netuenan ni Jesus haazà is mid-ulaula te menge sumusundan din, wazè din ikesuat, ne ke sikandin diyà te kandan te, “Ipehendini niw te kediey heeyan is menge vatà ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.

Marcos 10:41

Ne hein nezineg haazà dutun te sepulù he zuma zan he sumusundan, wazè dan ikesuat haazà is midhimu eni Santiago wey ni Juan.

Lucas 13:14

Ne is egalen dutun te simbahan, utew nepauk dutun te kebpemawì ni Jesus dutun te Andew te Kedhimeley. Ne ke sikandin diyà te menge etew te, “Seled te heenem he andew is kedterebahu tew te sengesimana. Emun ebpevawì kew zutun he timpu ne meupiya, iyan, kenè kew pevawì guntaan te Andew te Kedhimeley!”

1 Kurintu 13:4

Iyan, emun mahal ziyà te g̵ehinawa ta is menge zuma he etew iyan heini egkeulaula ta: ebpekeantus ki te minsan hengkey he pesipala, dekelà is g̵agew ta, wazà kesina he netag̵ù te g̵ehinawa ta, kenà ki ebpegalbu wey ebpelavew,

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.

Santiago 3:14

Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen.

1 Pedro 5:5

Sikiyu menge menguhed, edhengyuan ku sikiyu he pevayàbayè kew te menge ebmeg̵urangen. Kinahanglan he kenè kew mepelevawen, kekenà, mebpetebtevangè kew su zuen insurat he Lalag te Megbevayà he edhenduen te, “Kuntada te Megbevayà is mepelevawen, iyan, igkehizu zin is kenà ebpelavew.”