Mateo 20:22 - Manobo Western Bukidnon

²² Ne migkeg̵iyan ni Jesus haazà is dezuwa te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì?” Ne midtavak dan is dezuwa te, “Uya, egkeantus dey.”

Mateo 20:22 Кръстосани препратки

Mateo 26:35

Ne migkag̵i si Pedro te, “Minsan pa ke edhimetayan a zuma kenikew kenà a egkag̵i he wazè ku sikew mekilala!” Ne iring ded daan dutun is menge pesarig dutun te zuma he menge sumusundan ni Jesus.

Mateo 26:39

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Mateo 26:42

Ne midlikù si Jesus ne mid-ampù med-uman, ke sikandin te, “Amey ku, emun kenè en egkehimu he id-awà sikan is kedresaya kedì ne iyan egkesunud is kenikew he egkesuatan.”

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Marcos 14:36

Ke sikandin dutun te ked-ampù din te, “Amey ku, egkehimu nu is minsan hengkey ne emun egkehimu zà ne kenà a kenikew ipehimetayi, iyan, kenà egkesunud is kediey he egkesuatan, kekenà, iyan egkesunud is kenikew.”

Lucas 12:50

Duen ibewtismu kedì he iyan is dekelà pa he menge kemeresayan he egkeulaula ku he wazè pa mengetuman. Henduen a te ed-utuk te langit taman te kenè ku pa heini egkeliyu.

Lucas 22:42

Ke sikandin te, “Amey ku, emun iyan egkesuatan nu ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew.”

Juan 18:11

Ne midawey ni Jesus si Pedro, ke sikandin te, “Ig̵umè nu heeyan is ubpit nu su is ibpaantus kedì te Amey ku, kenè ku ve ed-entusen?”

Ruma 8:26

Ne elin daan baal te Wag̵as he Mulin-ulin is: sikita is kenà metau, edtevangan ki zin su kenè ta egketuenan is hustu he id-ampù, iyan, is Wag̵as he Mulin-ulin, ne iyan sikandin ebpengeetuvang te Amey tew he Megbevayà pinaag̵i te kedhangyù he kenà egkehimu te kineg̵iyan te etew.

Santiago 4:3

Ne minsan ke ebuyuen niw ziyà te kandin, kenè din ibeg̵ey su mezaat is tuyù niw te kebuyua niw kayi. Iyan ketezengan te kebuyù niw is wey niw metuman is mezaat he kebayè niw.