Mateo 2:17 - Manobo Western Bukidnon

¹⁷ Ne pinaag̵i zutun netuman kes netagnà dengan ni Jeremias, kes ebpeneuven te Megbevayà su migkag̵i si Jeremias te,

Mateo 2:17 Кръстосани препратки

Mateo 2:15

Ne zutun dan med-ubpà taman te minatey en si Hirudis. Egkeulaula zan heini su egketuman kes netagnà he migkag̵i te Nengazen pinaag̵i te ebpeneuven dengan he ke sikandin te, “Mid-umew ku is Anak ku he ibpaawà puun te Ihiptu.”

Mateo 2:16

Ne hein netuenan ni Hirudis he mid-akal zà kandin kes menge memimituen, nepauk utew. Ne insug̵ù din he ibpepenhimetayan is langun he menge vatà he maama he ebpenuig̵en te zezuwa he tuig wey minus pa zutun te tivuuk he inged te Bitlihim wey is menge siringan dutun he inged. Midhimu zin heini su wey mepatey si Jesus su zezuwa en he tuig is kelug̵ayad puun te kegkeahaa te menge memimituen duen te vituen.

Mateo 2:18

“Duen meg̵urub he egkezineg ta ziyà te inged he Rama. Egkezineg ta is edsineg̵ew wey ebpemenderawit su edlendag̵an ni Rakil is menge anak din. Edsineg̵ew ne wazè en ebpekelangan kandin su is menge anak din naawè en.”

Mateo 27:9

Ne netuman dutun sikan is netagnà dengan te ebpeneuven te Megbevayà he si Jeremias su ke sikandin te, “Nekuwa zan kes ketluan he vuuk he selapì he iyan bali zin he neuyunan te menge etew he kevuwazan ni Israyil.