Mateo 2:15 - Manobo Western Bukidnon

¹⁵ Ne zutun dan med-ubpà taman te minatey en si Hirudis. Egkeulaula zan heini su egketuman kes netagnà he migkag̵i te Nengazen pinaag̵i te ebpeneuven dengan he ke sikandin te, “Mid-umew ku is Anak ku he ibpaawà puun te Ihiptu.”

Mateo 2:15 Кръстосани препратки

Mateo 1:22

Umba nehitavù heini is langun diyà te ki Maria wey si Jose su egketuman is migkag̵i zengan te Nengazen pinaag̵i te ebpeneuven din he migkag̵i te,

Mateo 2:14

Ne zutun mid-enew si Jose, ne mid-uwit din haazà is batà wey si Maria, ne migenat dan dutun te mezukilem pehendiyà te Ihiptu.

Mateo 2:17

Ne pinaag̵i zutun netuman kes netagnà dengan ni Jeremias, kes ebpeneuven te Megbevayà su migkag̵i si Jeremias te,

Mateo 2:19

Ne hein minatey en si Hirudis, mibpeuman mebpeteg̵einep ki Jose is belinsug̵uen te Nengazen he migkag̵i te,

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 21:4

Umba egkeulaula heini is migkag̵i ni Jesus su egketuman kes netagnà te ebpeneuven te Megbevayà dengan he edhenduen te,

Mateo 26:54

Iyan,” ke si Jesus, “emun ebpetavang a kandin ne kenà egketuman sikan is nengetagnà dengan dutun te insurat he Lalag te Megbevayà; ne kinahanglan he egkeulaula haazà sumalà is netagnà,” ke sikandin.

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Mateo 27:35

Ne inransang dan sikandin diyà te krus; ne zutun midripa zan ke hentei is ebpekeangken te menge ugelingen din.

Mateo 8:17

Umba mid-ulaula zin heini su egketuman dutun kes netagnà dengan ni Esaias he ebpeneuven te Megbevayà, he egkag̵i te, “In-awè din is menge zaru tew ne mibewian din is menge ebpenggezamen tew.”

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 19:36

Umba neulaula haazà su egketuman sikan is tagnà diyà te insurat he Lalag te Megbevayà he edhenduen te, “Wazà minsan sevaha te menge tulan din he egkelepù.”

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.