Mateo 2:14 - Manobo Western Bukidnon

¹⁴ Ne zutun mid-enew si Jose, ne mid-uwit din haazà is batà wey si Maria, ne migenat dan dutun te mezukilem pehendiyà te Ihiptu.

Mateo 2:14 Кръстосани препратки

Mateo 1:24

Ne zutun nepukew si Jose. Ne midtuman din haazà is sambag kandin te velinsug̵uen te Nengazen ne mid-esawa zin si Maria.

Mateo 2:13

Ne hein migenat en kes menge memimituen, mibpeteg̵einep en maan ki Jose is belinsug̵uen te Nengazen he egkag̵i te, “Enew kad, Jose. Ne uwita nu heeyan is batà wey iney zin ne pelag̵uy kew pehendiyà te Ihiptu. Ne zutun kew tag̵ad taman te kenè ku pa sikew egkeg̵iyan. Su ebpenahaan ni Hirudis heeyan is batà su edhimetayan din.”

Mateo 2:15

Ne zutun dan med-ubpà taman te minatey en si Hirudis. Egkeulaula zan heini su egketuman kes netagnà he migkag̵i te Nengazen pinaag̵i te ebpeneuven dengan he ke sikandin te, “Mid-umew ku is Anak ku he ibpaawà puun te Ihiptu.”

Lucas 8:24

Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.

Nengeulaula 26:21

Ne tenged kayi te impenurù ku midakep a te menge Hudiyu ziyà te simbahan he Valey te Megbevayà ne edhimetayan e zan pezem.