Mateo 19:9 - Manobo Western Bukidnon

⁹ Ne tenged kayi egkeg̵iyen ku keniyu he ke zuen maama he ed-engkezan din is esawa zin he wazà sikandin is maama selselai zutun te esawa zin ne ed-uman ebpengesawa, ne haazà he maama, ebpekesalà dutun te nehuna he esawa zin tenged dutun te kebpengesawa zin.”

Mateo 19:9 Кръстосани препратки

Mateo 19:10

Ne zutun migkag̵i is menge sumusundan ni Jesus te, “Emun iyan bes heini egkeulaula te telteleesawa meupiya pa ke kenà ebpees-eseweey is etew.”

Mateo 19:8

Ne midtavak si Jesus te, “Intug̵ut ni Moises is kedsuwayi niw te esawa niw su g̵eina te edsumpeliten niw is penurù, iyan, dengan te kedlimbag̵a te langun, wazà itug̵ut heini te Megbevayà is kebpekedsuwey te teleesawa.

Mateo 5:32

Ne iyan kedì he penurù is: emun ed-engkezan te maama is esawa zin he wazà sikandin is maama selselai zutun te esawa zin, heini he maama, ne ebpekesalà su pinaag̵i kayi ibpesavut din he nekesalà kandin is esawa zin. Ne ebpekesalà daan is maama he ebpengesawa zutun te vahi he mid-engkezan te esawa zin.

Lucas 16:18

Ne elin daan migkag̵i ni Jesus is, ke sikandin te, “Ke zuen maama he ebpengesawa te sengevevahi su mid-engkezan din is esawa zin, ebpekesalà sikandin dutun te mid-engkezan din he esawa. Ne ebpekesalà daan is maama he ebpengesawa zutun te vahi he mid-engkezan te esawa zin.”

1 Kurintu 5:1

Duen nezineg ku, menge suled, he zuen sevaha keniyu he utew meremerik is ulaula zin. Duen kun maama ziyan he migkumpadi zin is esawa te amey zin. Ne minsan is menge etew he wazà medtuu te Megbevayà, wazà ulaula zan he utew mezaat he iring keniyan!

1 Kurintu 7:39

Ne ke zuen bahi he zuen esawa zin, kenà egkehimu he edsuwayan din haazà is esawa zin. Iyan, emun ebpatey is esawa zin, ne egkehimu ke ebpeesawa sikandin ebpeuman te egkesuatan din he maama, iyan, kinahanglan he iyan ebpekeesawa kandin is tumutuu te Nengazen tew.

1 Kurintu 7:4

Su is bahi, kenà iyan sikandin teg̵ig̵aked te lawa zin, kekenà, iyan is esawa zin. Ne iring din ded daan, is maama, ne kenà iyan sikandin teg̵ig̵aked te lawa zin su iyan is esawa zin.