Mateo 19:7 - Manobo Western Bukidnon

⁷ Ne mid-uman med-insà is menge Perisiyu te, “Ne maan is intug̵ut ni Moises diyà te maama he veg̵ayi zin dà is esawa zin te kemetuuzan te kebpekidsuwey emun egkesuatan din he meengkezi zin haazà is esawa zin?”

Mateo 19:7 Кръстосани препратки

Mateo 1:19

Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.

Mateo 19:6

Ne tenged kayi,” ke si Jesus, “kenè en maan dutun dezuwa he etew haazà is teleesawa, kekenà, sevaha zà, ne tenged kayi zaan kenà egkehimu he ipedsuwey te etew is midsevaha te Megbevayà.”

Mateo 19:8

Ne midtavak si Jesus te, “Intug̵ut ni Moises is kedsuwayi niw te esawa niw su g̵eina te edsumpeliten niw is penurù, iyan, dengan te kedlimbag̵a te langun, wazà itug̵ut heini te Megbevayà is kebpekedsuwey te teleesawa.

Mateo 5:31

Impenurù daan dengan he emun duen maama he ed-engkezan din is esawa zin ne kinahanglan he veg̵ayi zin haazà is bahi te kemetuuzan he iyan tuus te kebpesuwayè dan.

Marcos 10:4

Ne midtavak dan te, “Intug̵ut ni Moises diyà te maama he suwayi zin is esawa zin, asal kinahanglan he ebeg̵ayan dutun te maama is esawa zin te kemetuuzan he midsuwayan din.”