Mateo 19:3 - Manobo Western Bukidnon

³ Duen menge Perisiyu zutun he midhendiyà te kandin su ebpengahaan dan te paag̵i sikandin wey zan ikesumbung. Ne mid-insaan dan sikandin te, “Intug̵ut be te kesug̵uan is ked-engkezi ta te esawa ta minsan ke wazè ta utew ketezengan?”

Mateo 19:3 Кръстосани препратки

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 22:35

Ne is sevaha zutun, menunudlù te kesug̵uan. Ne migezaman din dekepa is ketezengan ni Jesus pinaag̵i te menge insà.

Marcos 10:2

Ne zutun, duen menge Perisiyu he mid-uvey ziyà te ki Jesus su ebpengahaan dan is paag̵i te kedsumbunga kandin. Ke sikandan te, “Idtug̵ut be te kesug̵uan is ked-engkezi ta te esawa ta?”

Marcos 12:13

Ne midsug̵ù dan is duma zutun te menge Perisiyu wey te menge sakup te upakat he midtukud ni Hirudis su wey zan mepulutikahi si Jesus he meveeli zan te sumbung.

Marcos 12:15

Ne netuenan ni Jesus he akal haazà is netag̵ù diyà te g̵ehinawa zan, ne ke sikandin te, “Maan is egezaman a keniyu? Ipeehè niw kediey ke memenumenu is selapì he ibayad niw te vuhis diyà te hadì he ziyà te Ruma.”

Juan 8:6

Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.

1 Kurintu 7:10

Ne sikiyu is telteleesawa, duen ku zaan sug̵ù keniyu. Kenà kediey zà heini, kekenà, sug̵ù te Nengazen tew. Iyan is: is bahi, ne kinahanglan he kenà mebpekidsuwey te esawa zin. Ne is maama, ne kinahanglan daan he kenè din engkezi is esawa zin. Iyan, ke zuen bahi he mibpekidsuwey en te esawa zin, kenà egkehimu he ed-uman ebpeesawa. Egkehimu ke ebpeuliey sikandan.

Hibriyuhanen 3:9

Su migkag̵i is Megbevayà te, “Minsan pa te seled te kepatan he tuig nengeehè dan is menge egkein-inuwan he mibeelan ku, ne migezaman dan pa ke hendei taman is kebpelevaya ku te menge mezaat he ulaula zan.