Mateo 19:29 - Manobo Western Bukidnon

²⁹ Ne is minsan hentei he mid-ewaan din is baley zin, menge suled din, amey zin, iney zin, anak din, wey tanè din su edsunud sikandin kediey, egkezawat din is kenenggatus egketakep haazà is mid-ewaan din ne liyu zutun ibeg̵ey kandin is untung he wazà pidtemanan.

Mateo 19:29 Кръстосани препратки

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 13:23

Ne sikan is benì he ziyà mengeulug te meupiya he tanà, ne iyan is Lalag te Megbevayà he is nemekezineg duen, nesavut dan, ne ebpulus diyà te kandan. Is duma, ne ebpulus te zeisek diyà te kandan; ne is duma, ne ebpulus te malù dekelà; ne is duma, ebpulus te utew zekelà diyà te kandan.”

Mateo 13:8

Ne zuen daan benì he ziyà mengeulug te meupiya he tanà ne nemeg̵as mulà heini. Duen dutun menge pinemula he mibeg̵as te tigketluan. Ne zuen daan dutun menge pinemula he mibeg̵as te tigkeneman. Ne zuen daan dutun pinemula he mibeg̵as te tignenggatus.”

Mateo 16:25

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he edsunud kedì, minsan ke ibpatey zin pa, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Mateo 19:16

Duen menguhed he etew he mid-uvey ziyà te ki Jesus he ed-insà te, “He Menunudlù, hengkey is meupiya he ed-ul-ulahan ku wey a meveg̵ayi te untung he wazà pidtemanan?”

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 5:11

Su utew kew zeyzey emun tenged te sumusundan ku sikiyu edsulaan kew wey ebpesipelahan kew te menge etew, ne ebpenudtul zan te tarù he mezaat is menge vaal niw.

Mateo 6:33

Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Lucas 14:26

“Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Lucas 5:11

Ne zutun mid-uwit dan haazà is menge avang dan diyà te g̵eunan, ne mid-ewaan dan dutun is langun ne midsundan dan ki Jesus.

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

Juan 4:36

Ne sikan is edrag̵un, he ke và dà egkeg̵iya, is ebpesavut kandan wey zan meketuu kedì, duen suhul kandin te Megbevayà, ne sikan is menge etew he nerag̵un din, ebeg̵ayan te untung he wazà pidtemanan. Ne tenged dutun is ebpemula te Lalag te Megbevayà wey is edrag̵un te veg̵as te Lalag te Megbevayà, pudu zan egkelipey.

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

1 Kurintu 2:9

Ne tenged kayi iyan ibpenurù dey is insurat dengan he Lalag te Megbevayà he edhenduen te, “Is utew meupiya wey egkein-inuwan he wazè pa maahà wey wazè pa mezineg te menusiyà wey wazè pa meisip te minsan hentei he etew, ne iyan heini mid-andam te Megbevayà he ibeg̵ey zin diyà te langun he menge etew he mahal sikandin diyà te g̵ehinawa zan.”

2 Kurintu 5:16

Is paag̵i zey te ked-isipa te minsan hentei he etew, ne kenà iyan is paag̵i he egemiten te menge etew he wazà medtuu. Dengan, iyan heini migamit dey he paag̵i su mid-isip dey he etew zà duen si Kristu, iyan, guntaan netuenan dey he kenà etew zà duen sikandin.

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

1 Pedro 4:14

Utew kew zeyzey ke edsudien kew tenged te menge sumusundan kew ni Kristu su tuus heini he mid-ulinan kew te mekeg̵eg̵ehem he Mulin-ulin he iyan is Megbevayà.

3 Juan 1:7

Su midhipanew zan wey zan mekesangyew te impenurù ni Kristu, iyan, kenè dan ebpetavang te kenà menge tumutuu.