Mateo 19:28 - Manobo Western Bukidnon

²⁸ Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 19:28 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 19:27

Ne zutun migkag̵i si Pedro te, “Ahaa nu man, mid-ewaan dey is langun he menge azen dey wey key mekesunud kenikew. Ne hengkey is idsuhul kenami?”

Mateo 20:21

Ne mid-insaan ni Jesus te, “Hengkey is egkesuatan nu?” Ne midtavak haazà is bahi te, “Heini is dezuwa he anak ku he sumusundan nu, egkesuatan ku he, keuzemà ke ebpinuu ke en diyà te pinuuwè nu te kedhadì, ibpepinuu nu zaan sikandan, is sevaha ziyà dapit te egkekewanan nu, ne is sevaha, diyà dapit te egkeg̵ivang nu.”

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 6:33

Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Marcos 10:37

Ne ke sikandan te, “Iyan edhengyuen dey he keuzemà ke ebpinuu ke en diyà te pinuuwè nu te kedhadì, ipepinuu key zaan, is sevaha ziyà te egkekewanan nu ne is sevaha ziyà te egkeg̵ivang nu.”

Nengeulaula 3:21

Diyè pa si Jesus ebpekeubpà te langit taman te kenè pa edhimuwen te Megbevayà he veg̵u is minsan hengkey sumalà te netagnà dengan pinaag̵i te ebpemeneuven din.

2 Timoteo 2:12

Ke ed-antus ki te kemeresayan ebpekehadì ki keuzemà duma kandin. Iyan, ke egkag̵i ki he kenè ki g̵aked din egkag̵i zaan sikandin keuzemà he kenè ki iyan gaked din.

2 Pedro 3:13

Iyan, sikitew mulà, ebperetengen ta is beg̵u en he tanà wey langit he impenaad kenitew te Megbevayà. Iyan dà ebpekeubpà dutun is memetazeng is ulaula zan.

Impezayag 11:16

Ne zutun, haazà is keluwaan wey heepat he menge ebmeg̵urangen he ebpimpinuu zutun te etuvangan te Megbevayà, mibpemenlangkeb sikandan ne mid-azap dan is Megbevayà,

Impezayag 12:1

Ne zutun neehè ku ziyà te langit is kebpeelunga te egkeulaula. Neehè ku is bahi he midsun-uzan te andew ne ziyà te zizalem te paa zin is bulan, ne insuup diyà te ulu zin is kuruna he sepulù wey zezuwa he vituen.

Impezayag 20:4

Ne zutun neehè ku is menge pinuuwà te edhadì. Ne is ebpememinuu zutun, mibeg̵ayan sikandan te keg̵ehem te kedhukum wey kebeg̵ey te kukuman. Neehè ku zaan is menge g̵imukud te menge etew he midhimetayan tenged te insangyew zan is Lalag te Megbevayà wey is impenurù ni Jesus. Wazè dan med-azap duen te langgam wey te ledawan te langgam, ne wazè dan daan mebpetiyap te tiyap te langgam diyà te vuked dan wey ke ziyè be te velad dan. Nengevanhew sikandan ne impehadì sikandan duma ki Kristu seled te nengkelibu he tuig.

Impezayag 21:5

Ne migkag̵i haazà is ebpimpinuu zutun te pinuuwà te edhadì, ke sikandin te, “Guntaan edhimuwen ku he veg̵u is minsan hengkey!” Ne ke sikandin diyà te kedì te, “Isurat nu heini is egkezineg nu; egkeserig̵an wey tutuu heini he lalag.”

Impezayag 22:2

Ne haazà is wahig, diyà edtudà te teliwazà te kersada zutun te inged. Ne te pesiziveluyà he veyvey zutun te wahig egkeahà is menge kayu he ebpekeveg̵ey te untung. Ne haazà is kayu, sepulù wey zezuwa he kelasi is beg̵as din ne kada vulan ebpemeg̵as te sengekelasi. Ne is dahun dutun, ne vawì he ebpekeulì te menge etew he sakup te menge g̵inhedian dini te lumpad.

Impezayag 22:5

Wazè en dutun mezukilem ne wazè en kinahanglan he zuen pa sulù wey silà te andew su iyan sulù dan is Megbevayà he Nengazen te langun, ne edhadì sikandan te wazà pidtemanan.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Impezayag 4:4

Ne zuen daan dutun keluwaan wey heepat he pinuuwà he nekeelingkus dutun te pinuuwà te edhadì. Ne zutun ebpememinuu is keluwaan wey heepat he ebmeg̵urangen. Meputì is bisti zan ne zuen insuup diyà te ulu zan he menge kuruna he vulawan.

Impezayag 7:4

Ne nezineg ku zutun is kezakel te menge etew he edsevukan te tiyap, ne nenggatus wey kepatan wey heepat he libu sikandan langun. Ne ebpemuun sikandan diyà te sepulù wey zezuwa he kepuun te menge kevuwazan ni Israyil.