Mateo 19:24 - Manobo Western Bukidnon

²⁴ Egkeg̵iyen ku keniyu he kenè din egkehimu. Melemu pa te kemilyu is kedseled din diyà te vudsi te rag̵um kenà te sepian he etew is kebpesakup din te Megbevayà wey sikandin mehedii.”

Mateo 19:24 Кръстосани препратки

Mateo 19:25

Ne hein nezineg heini te menge sumusundan din utew zan neinuinu, ne ke sikandan te, “Emun kenà egkehimu te sepian, ne kenè bes egkehimu te minsan hentei is ked-angken te untung he wazà pidtemanan.”

Mateo 19:26

Ne zutun midtengtengan sikandan ni Jesus te egkag̵i te, “Kenà iyan egkehimu te etew; iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Mateo 23:24

Iring kew te lakap he ed-ag̵ak te sengelelakap. Kenè niw egkeaku te ebaal is utew zeisey he salà, iyan, egkeekuwan niw mulà te ebaal is utew zekelà he salà.

Lucas 18:25

Kenè din egkehimu su melemu pa te langgam he kemilyu is kedseled din diyà te vudsi te rag̵um, kenà te sepian he etew te kebpesakup din te Megbevayà wey sikandin mehedii.”

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Juan 5:44

Egkemenumenu is hustu he kebpeketuu niw emun ebpengahaan niw te kada sevaha is kegkezelig̵i keniyu te menge zuma niw, ne is kegkezelig̵i pezem keniyu te sebsevaha zà he Megbevayà, kenè niw egkesuatan?