Mateo 19:23 - Manobo Western Bukidnon

²³ Ne zutun migkag̵i si Jesus diyà te menge sumusundan din te, “Utew mereg̵en te sepian he etew is kebpesakup din te Megbevayà wey mehedii sikandin.

Mateo 19:23 Кръстосани препратки

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 18:3

Ne ke si Jesus te, “Kenè niw lipati heini: kinahanglan he ed-ewaan niw ziyà te isip niw is kebpelavew ne iringi niw heini is batà, su nelevawan sikandin te langun. Su emun kenè niw ed-iringan heini, ne kenè kew egkehedian te Megbevayà.

Mateo 19:22

Ne hein nezineg heini zutun te menguhed he etew, ne mid-ulì he utew mibmesakit is gehinawa zin su utew zekelà is ketig̵eyunan din.

Mateo 21:31

Ne ke si Jesus te, “Hentei zutun te zezuwa he telesuled is hustu he neketuman te sug̵ù te Amey zan?” Ne ke sikandan diyà te ki Jesus te, “Iyan haazà is kakey.” Ne ke si Jesus dutun te, “Benar iyan he edhuna keniyu is menge mezaat he etew iring te menge menunukut te vuhis wey is menge vahi he ibpenapì dan is dengeg dan su edewaten sikandan te Megbevayà wey zin mehedii kenà sikiyu.

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Marcos 10:23

Ne zutun mibpenlangulangu si Jesus diyà te menge sumusundan din ne ke sikandin diyà te kandan te, “Utew mereg̵en te sepian he etew is kebpesakup din te Megbevayà wey mehedii sikandin te Megbevayà,” ke sikandin.

Lucas 18:24

Ne zutun midtengtengan sikandin ni Jesus ne ke si Jesus te, “Utew mereg̵en te sepian he etew is kebpesakup din te Megbevayà wey mehedii sikandin te Megbevayà.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

1 Kurintu 1:26

Kenè niw, menge suled, lipati ke hengkey kew zengan hein wazè kew pa ipetuu te Megbevayà. Su ziyan te keniyu te menge tumutuu, mezelag is etew he egkekag̵i te menge etew he utew metau; mezelag is lavew is pid-etawan din; mezelag daan is sepian.

Santiago 2:6

Iyan, sikiyu mulà, wazè niw kedtahud dutun te egkengeayuayu. Hentei is ebpenlupig keniyu? Iyan is menge sepian. Ne hentei is edsumbung keniyu ziyà te etuvangan te huwis?