Mateo 19:20 - Manobo Western Bukidnon

²⁰ Ne migkag̵i haazà is etew te, “Is langun keniyan, ne mibentayan ku; hengkey pa is kurang ku he ebpeveelan kedì?”

Mateo 19:20 Кръстосани препратки

Mateo 19:19

tehuza nu is amey nu wey iney nu; wey purungi nu is duma nu; isipa nu sikandin he iring te kenikew en he g̵ehinawa.”

Mateo 19:21

Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Juan 8:7

Ne g̵eina te kenè dan ed-engked he ed-insà, midhitindeg sikandin ne migkag̵i te, “Is sevaha keniyu he wazà mekevaal te mezaat te minsan keenu, iyan medhuna medtuleng kandin te vatu.”

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Gelasya 3:24

Nehimu zaan is kesug̵uan he iring te ed-uyamu he iyan ebayàbayà kenitew te iring te menge vatà taman dà te kebpekeuma ni Kristu su wey, ke ebpekeuma si Kristu, meisip kiw te Megbevayà he metazeng pinaag̵i te kedtuu tew kandin.

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.