Mateo 19:16 - Manobo Western Bukidnon

¹⁶ Duen menguhed he etew he mid-uvey ziyà te ki Jesus he ed-insà te, “He Menunudlù, hengkey is meupiya he ed-ul-ulahan ku wey a meveg̵ayi te untung he wazà pidtemanan?”

Mateo 19:16 Кръстосани препратки

Mateo 19:15

Ne midepenetan din haazà is menge vatà ne mibpenubtuvazan din ne hein nepasad din haazà, ne mid-awà dutun.

Mateo 19:26

Ne zutun midtengtengan sikandan ni Jesus te egkag̵i te, “Kenà iyan egkehimu te etew; iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Mateo 19:29

Ne is minsan hentei he mid-ewaan din is baley zin, menge suled din, amey zin, iney zin, anak din, wey tanè din su edsunud sikandin kediey, egkezawat din is kenenggatus egketakep haazà is mid-ewaan din ne liyu zutun ibeg̵ey kandin is untung he wazà pidtemanan.

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Juan 10:28

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Juan 12:25

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Juan 3:15

Umba egkehitavù heini su wey is langun he edtuu kediey meveg̵ayi te untung he wazà pidtemanan.

Juan 4:14

iyan, ke zuen ed-inum te wahig he ibeg̵ey ku kandin kenè en maan sikandin egkemezahan te minsan keenu. Su is wahig he ibeg̵ey ku kandin, egkehimu ziyà te kandin he ulu te wahig he ebpekeveg̵ey kandin te untung he wazà pidtemanan.”

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 6:68

Ne midtavak si Simon, sikan is migeraran ki Pedro, ke sikandin te, “Wazà duma he egkesundanan dey su iyan ke zà ebpenurù te paag̵i te kebpekeangken te untung he wazà pidtemanan.

Nengeulaula 16:30

Ne miduma zin sikandan diyà te g̵awas ne ke sikandin te, “Hengkey is ed-ul-ulahan ku wey a melibri te silut te Megbevayà?”

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Ruma 5:21

Ne hein aney, sikitew is menusiyà, kenà egkehimu he kenè ki ebpekesalà, ne tenged kayi ebpatey ki, iyan, guntaan pinaag̵i te ked-isipa te Megbevayà kenitew he metazeng, impeehè kenitew te Megbevayà is gag̵ew zin su wey kiw zin meveg̵ayi te untung he wazè din pidtemanan pinaag̵i ki Jesu Kristu he iyan Nengazen tew.

1 Timoteo 1:16

Ne minsan pa zutun, nehizuwan a g̵ihapun te Megbevayà su wey pinaag̵i te kebpelevaya zin kedì te utew lalung, ikepezayag ni Jesu Kristu he utew mepelevayen sikandin. Impezayag din heini su wey mesavut heini te langun he menge etew he edtuu kandin keuzemà ne ebeg̵ayan din te untung he wazà pidtemanan.

1 Timoteo 6:12

Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.

1 Timoteo 6:19

Pinaag̵i kayi egkekuwa zan is hustu he ketig̵eyunan he kenè dan egkesuwey keuzemà. Ne ebpekeangken dan te untung he iyan tutuu he untung.

Tito 3:7

Umba mid-ulaula zin heini su wey tenged te g̵ag̵ew zin kenita meisip ki zin he metazeng ne maangken ta is untung he wazà pidtemanan he iyan ebperetengen ta.

1 Juan 1:2

Hein mibulus dini te kelibutan heini is puunà te untung, neehè dey ne tenged dutun egkeg̵iyen dey keniyu is neehè dey. Edseyseyen dey keniyu is migeraran te untung he wazè din pidtemanan. Daan sikandin he zuma te Amey tew he Megbevayà ne zutun mibpeg̵awag̵awa kenami zini te kelibutan.

1 Juan 2:25

Su iyan impenaad kenitew ni Kristu is untung he wazà pidtemanan.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

Hudas 1:21

Layun niw isipa is utew zekelà he g̵ag̵ew keniyu te Megbevayà dutun te kedteg̵azi niw te timpu keuzemà he zutun ibpaahà kenitew te Nengazen tew he si Jesu Kristu is dekelà he hizu zin su zutun kenè kiw zin edsuwayan te wazà pidtemanan.