Mateo 18:29 - Manobo Western Bukidnon

²⁹ Ne midluhud haazà diyà te etuvangan din is edhangyù diyà te kandin te, ‘Ipaakul a kenikew; beg̵ayi e pa te timpu su wey ku meleg̵uzi is bayad ku kenikew.’

Mateo 18:29 Кръстосани препратки

Mateo 18:26

Ne zutun midluhud diyà te etuvangan te hadì haazà is sulug̵uen he edhangyù, ke sikandin te, ‘Ipaakul a kenikew; beg̵ayi e pa te timpu su edleg̵uzan ku heini is bayad ku kenikew ne ebeyazan ku is langun.’

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Mateo 18:30

Iyan, wazà mesuat haazà is etew, ne impepirisu zin haazà is utangan kandin taman te kenè pa ebpekevayad.

Mateo 18:33

Ne maan is wazè nu mehizuwi kes duma nu he sulug̵uen iring te kegkehizuwi ku kenikew?’

Mateo 6:12

peseyluwa key te menge salè dey iring te nekepesaylu key te nekesalà kenami.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Kulusas 4:7

Is langun he nengehitavù kedì dini, ne egketuenan niw ziyà te ki Tikiku te sevaha he suled tew he utew minahal. Duma zey sikandin he sulug̵uen te Nengazen he utew metinumanen te ebpeveelan kandin te Megbevayà.