Mateo 18:26 - Manobo Western Bukidnon

²⁶ Ne zutun midluhud diyà te etuvangan te hadì haazà is sulug̵uen he edhangyù, ke sikandin te, ‘Ipaakul a kenikew; beg̵ayi e pa te timpu su edleg̵uzan ku heini is bayad ku kenikew ne ebeyazan ku is langun.’

Mateo 18:26 Кръстосани препратки

Mateo 18:29

Ne midluhud haazà diyà te etuvangan din is edhangyù diyà te kandin te, ‘Ipaakul a kenikew; beg̵ayi e pa te timpu su wey ku meleg̵uzi is bayad ku kenikew.’

Mateo 2:11

Ne hein midseled dan dutun te valey neehè dan haazà is batà wey is iney zin he si Maria. Ne midluhud dan su ed-ezapen dan haazà is batà. Ne zutun impelepew zan is menge kavan he zutun itagù is ketig̵eyunan dan ne mibeg̵ayan dan sikandin te vulawan wey menge mahal he mehemut he beyewà wey mira.

Mateo 8:2

Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”

Lucas 7:43

Ne ke si Simon te, “Iyan buwa lavew he utew zekelà is gehinawa zin te etew he neutangan dan sikan is dekelà is utang din he wazè en peveyazi kandin.” Ne ke si Jesus te, “Benar, su iyan sikandin utew lavew he zekelà is gehinawa zin dutun te etew he neutangan dan.”

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.