Mateo 18:24 - Manobo Western Bukidnon

²⁴ Ne zutun te kebpuuni zin pa te kedsusi kayi, mid-uwit dan diyà te kandin is sevaha he nekeutang diyà te kandin te sepulù he libu he libu he pisus.

Mateo 18:24 Кръстосани препратки

Mateo 18:23

Su is kedhadì te Megbevayà he ziyà te langit, ne iring te hadì he edsusiyen din is menge utang kandin te menge sulug̵uen din.

Mateo 18:25

Ne haazà, kenà ebpekevayad ne tenged dutun insug̵ù dutun te hadì he ivelegyà haazà is etew wey meuripen ragkes is esawa zin wey menge anak din wey langun he azen din wey meveyazi haazà is utang din.

Mateo 25:15

Mibahin din kandan sumalà is egkeveleveg te uman sevaha kandan te ebpetig̵ayun. Is sevaha, mibeg̵ayan din te lelima he libu he pisus; ne is sevaha, mibeg̵ayan din te zezuwa he libu; ne is sevaha pa, nengkelibu he pisus is imbeg̵ey zin dutun. Ne zutun migenat haazà is etew he edhipanew.

Mateo 25:16

Ne sikan is sulug̵uen he mibeg̵ayan te lelima he libu he pisus, impetig̵ayun din haazà is kandin, ne netig̵ayun te lelima pa he libu.

Mateo 25:20

Ne midtelavuk kandin sikan is sulug̵uen din he mibeg̵ayan te lelima he libu he pisus ne indata zin haazà is selapì ragkes sikan is genansya he lelima he libu. Ne ke sikandin te, ‘Mibeg̵ayan a kenikew te lelima he libu he pisus; ne heini zed is genansya he lelima he libu he pisus.’

Mateo 25:22

Ne midtelavuk daan kandin sikan is mibeg̵ayan din te zezuwa he libu he pisus ne ke sikandin te, ‘Datù, mibeg̵ayan a kenikew te zezuwa he libu he pisus. Ahaa nu, heini zed daan is genansya he zezuwa he libu he pisus.’

Mateo 25:24

Ne midtelavuk daan sikan is sulug̵uen he mibeg̵ayan din te nengkelibu he pisus. Ke sikandin te, ‘Datù, netuenan ku he wazè nu kehizu su edreg̵unen nu is kenè nu pinemula, ne ebpenggenansya ka te wazè nu ipetig̵ayun.

Lucas 13:4

Ne isipa niw zaan is sepulù wey walu he menge etew he nemematey hein nepilayan sikandan te metikang he valey ziyà te Siluwi. Kunaan niw vuwa ke iyan kandan ingkepilayi su utew lavew sikandan he mekesesalà kenà te langun he menge zuma zan he tigHiruselim.

Lucas 16:5

Ne zutun midtawag din te tigselimbaha is langun he nekeutang dutun te egalen din. Ne ke sikandin diyà te nehuna te, ‘Pira is kenikew he utang diyà te egalen ku?’

Lucas 16:7

Ne nekeuma is sevaha zutun. Ne mid-insaan dutun te sulug̵uen ke pira is kandin he utang, ne midtavak sikandin te nengkelibu he vinevey he trigu. Ne migkeg̵iyan sikandin te sulug̵uen te, ‘Heini zed is listahan te utang nu. Pinuu ka kayi ne ilisi nu te walu he g̵atus dà he vinevey.’