Mateo 18:17 - Manobo Western Bukidnon

¹⁷ Ne emun kenè pa sikandin ebpekidhusayà, tudtula nu ziyà te nengetig̵um he menge zuma niw he tumutuu. Ne emun kenè pa ebpekidhusayà dutun, isipa niw sikandin he iring te etew he kenà tumutuu te Megbevayà wey isipa niw zaan sikandin he iring te sevaha zuen te limbungan he menunukut te vuhis.

Mateo 18:17 Кръстосани препратки

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Mateo 6:7

Emun ed-ampù kew kenè niw g̵emita is mezakel he menge lalag he wazà menge pulus su iyan heini ulaula te menge etew he wazà med-azap te tutuu he Megbevayà. Iyan diyà te g̵ehinawa zan is: ebpemineg̵en te Megbevayà is ked-ampù dan emun utew melug̵ayad.

Lucas 15:1

Ne zutun he timpu, duen mezakel he menge mekesesalà he etew he menge menunukut te vuhis wey menge mesinupaken te kesug̵uan, ne nemenhendiyè dan te ki Jesus su ebpemineg̵en dan is penurù din.

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

1 Kurintu 5:9

Duen te nehuna he surat he impeuwit ku keniyu, insug̵ù ku keniyu he kinahanglan he kenè kew mebpekiduma pa maan te menge etew he meremerik is ulaula.

1 Kurintu 6:1

Ne emun duen idsumbung te sevaha keniyu he zuma zin he tumutuu, maan is layun kew ebpehusey te menge zatù he kenà tumutuu? Kinahanglan he iyan edhusey kenitew is duma tew he tumutuu.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.