Mateo 18:15 - Manobo Western Bukidnon

¹⁵ Ne emun duen tumutuu he nekesalà kenikew, hendiyè ka te kandin ne keg̵iya nu ziyà te kandin is salè din kenikew. Iyan, kinahanglan he itavis nu kandin. Ne emun ebpekidhusayà sikandin, ebpeked-uliey kew te meupiya he g̵ehinawa.

Mateo 18:15 Кръстосани препратки

Mateo 18:14

Iring din ded daan is Amey tew ziyà te langit su kenè din egkesuatan he zuen minsan sevaha zà kayi te menge vatà he kenà egkelibri te silut.

Mateo 18:21

Ne zutun mid-uvayan si Jesus ni Pedro te egkag̵i te, “Nengazen, kepipira ebpekesalà is duma ku zini te kediey ne ebpeseyluwen ku pa? Kepipitu zè be?”

Mateo 18:35

Ne,” ke si Jesus te, “iring ded daan kayi is ed-ul-ulahan te Amey ku he ziyà te langit diyà te uman sevaha keniyu emun kenà tutuu is kebpesaylu niw te minsan hentei he zuma niw.”

Ruma 12:21

Minsan ke utew mezaat is pesipala kenita kenè ta ebelesan te mezaat su emun ebelesan ta, egkezaag ki su egkeuwit ki te mezaat. Iyan ed-ul-ulahan ta is meupiya he vales ne tenged kayi iyan egkezaag is kuntada ta su egkeuwit sikandin te meupiya.

1 Kurintu 8:12

Ne emun pinaag̵i kayi te ulaula ta ebmesakit is gehinawa te menge zuma ta he tumutuu, nekesalè ki ziyà te kandan ne nekesalè ki zaan diyà te ki Kristu.

2 Kurintu 7:12

Kenà iyan dà impesurati ku keniyu is mehitenged duen te etew he nekesalà wey kes neselaan din, kekenà, ebpeketistig̵us is Megbevayà he umba mibpesuratan ku sikiyu su wey niw meisipisip ke sengemenu key kemahal diyan te g̵ehinawa niw.

Gelasya 6:1

Menge suled, ke zuen duma niw he tumutuu he netuenan niw he nesupak din is Megbevayà, sikiyu is mid-ulinan te Wag̵as he Mulin-ulin, tevangi niw sikandin su wey zin kenà meengkezi is kedtumana zin te egkesuatan te Megbevayà. Asal, kinahanglan he utew kew mepelevayen is edtavang kandin. Mebpekevantey kew su kela ke mepenulayi kew zaan ni Setanas.

Kulusas 3:13

Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

1 Tiselunika 4:6

Kinahanglan he wazà minsan hentei he ebpekesalà wey ed-akal te zuma zin pinaag̵i te menge ulaula he iring kayi. Su edsilutan te Megbevayà is ed-ulaula te iring dutun. Heini impurung dey ipenurù keniyu.

2 Tiselunika 3:15

iyan, kenè niw isipa he kuntada niw, kekenà, penurua niw he iring te suled niw.

Tito 3:10

Ke zuen duma niw he edsemuken din is upakat te menge tumutuu, dewaya nu, ne emun kenà ebpemineg, umani nu zewaya. Ne emun kenè pa zutun ebpemineg engkezi nu sikandin.

1 Pedro 3:1

Sikiyu zaan is menge vahi, kinahanglan he pesakup kew te esawa niw ne zutun minsan ke kenè dan edtuu te Lalag te Megbevayà kela ke ebpeketuu zan ded ke egkeehè dan is menge ulaula niw he memeupiya. Su iyan heini egkehimu he wali niw kandan.