Mateo 18:14 - Manobo Western Bukidnon

¹⁴ Iring din ded daan is Amey tew ziyà te langit su kenè din egkesuatan he zuen minsan sevaha zà kayi te menge vatà he kenà egkelibri te silut.

Mateo 18:14 Кръстосани препратки

Mateo 18:13

Egkeg̵iyen ku keniyu he ke egketuredu zin haazà, utew sikandin egkelipey zutun te sevaha kenà dutun te kesiyawan wey siyew he wazà metazin.

Mateo 18:15

Ne emun duen tumutuu he nekesalà kenikew, hendiyè ka te kandin ne keg̵iya nu ziyà te kandin is salè din kenikew. Iyan, kinahanglan he itavis nu kandin. Ne emun ebpekidhusayà sikandin, ebpeked-uliey kew te meupiya he g̵ehinawa.

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

Mateo 6:32

Iyan heini igkeseeng te menge etew he wazà medtuu te tutuu he Megbevayà. Iyan, is Amey tew he Megbevayà he ziyà te langit, netuenan din he zaan he egkinehenglanen niw is iring kayi.

Mateo 6:9

Iringi niw heini ke ed-ampù kew: ‘Amey zey ziyà te langit, berakat he tehuza te menusiyà is ngazan nu,

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 21:15

Ne hein nekeramag dan en dutun, migkag̵i si Jesus diyà te ki Simon Pedro te, “Sikew Simon, he anak ni Juan, mahal e ve utew ziyan te g̵ehinawa nu, lavew te g̵ehinawa te menge zuma nu kedì?” Ne midtavak si Pedro te, “Uya, netuenan nu he mahal ka zini te g̵ehinawa ku.”

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

Hibriyuhanen 12:13

Peniguduwi niw te ed-ikul is hustu he ibayà su wey kenà luyahi is menge zuma niw he mehugkà is kedtuu zan, kekenà, melig-eni is kedtuu zan.

2 Pedro 3:9

Kunaan te zuma ke edlanganlangan is Nengazen su maan is kenè din edtumanen is pesarig din he edlikù sikandin. Kenà sikandin edlanganlangan, kekenà, utew sikandin mepelevayen keniyu su kenè din egkesuatan he zuen minsan sevaha he kenà egkelibri te silut. Egkesuatan din he meiniyug̵i te langun is menge ulaula zan he mezaat.