Mateo 17:9 - Manobo Western Bukidnon

⁹ Ne zutun te edtupang dan, mibeleuzan sikandan ni Jesus te, “Heini is neehè niw, kenè niw tudtula ziyà te minsan hentei taman te kenè e pa is Kakey te Menusiyà egkevanhew.”

Mateo 17:9 Кръстосани препратки

Mateo 12:16

ne migkeg̵iyan din sikandan he kenè dan tudtula te zuma haazà is mid-ulaula zin.

Mateo 17:12

Iyan, egkeg̵iyen ku keniyu he nekeume en iyan si Elias, iyan, wazà sikandin mekilala te menge punuan. Midrasey zan sikandin sumalà is egkesuatan dan he ed-ul-ulahan dan kandin. Ne iring ded dutun te kedresaya zan kandin is ed-ul-ulahan dan dini te kedì te Kakey te Menusiyà.”

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 17:22

Netig̵um is menge sumusundan din diyà te prubinsya he Geliliya. Ne zutun migkag̵i si Jesus diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan,

Mateo 17:23

iyan, seled te tetelu he andew zutun egkevanhew a.” Ne zutun utew nengeseeng is menge sumusundan din.

Mateo 17:8

Ne hein mid-enew zan, ne iyan dan dà dutun maan naahà si Jesus.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Marcos 8:30

Ne zutun migkeg̵iyan sikandan ni Jesus he kenè dan tudtula haazà diyà te minsan hentei.

Lucas 8:56

Ne utew ingkeinuinu te g̵inikanan dutun te vatà haazà is midhimu ni Jesus. Ne migkeg̵iyan sikandan ni Jesus he kenè dan tudtula haazà ziyà te minsan hentei.

Lucas 9:36

Ne hein mid-engked haazà is egkag̵i ne iyan dà maan dutun si Jesus neehè dan. Ne puun dutun he timpu wazè pa minsan sevaha he etew he midtudtulan dan te neehè dan.