Mateo 17:4 - Manobo Western Bukidnon

⁴ Ne migkag̵i si Pedro ziyà te ki Jesus te, “Utew meupiya te zini key. Ke egkesuatan nu, ebeelan ku kayi is tetelu he lawig; sevaha is kenikew, sevaha zaan is ki Moises, wey sevaha is ki Elias.”

Mateo 17:4 Кръстосани препратки

Mateo 17:3

Ne zutun netik-ew zan daan maahà si Moises wey si Elias he ebpekidlalag ki Jesus.

Lucas 9:33

Ne hein ed-awè en diyà te kandin haazà is dezuwa, migkag̵i si Pedro te, “Nengazen, utew meupiya te zini key. Ebeelan dey is tetelu he lawig; sevaha is kenikew, sevaha zaan is ki Moises, ne sevaha is ki Elias.” Wazà metentenuzi ni Pedro he nengekag̵i zin heini is lalag.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

Juan 7:2

Ne meg̵aan dutun edsilibraha te menge Hudiyu is pista he egngezanan te Pista te Menge Lawig.

1 Juan 3:2

Menge minahal ku he menge emig̵u, menge anak kiw en te Megbevayà ne kenè tew pa egketuenan ke hengkey is egketemanan te kegkeenaka kenitew te Megbevayà. Iyan, netuenan tew he ke edlikù si Kristu, egkehimu zutun is kenitew he zagwey he iring te kandin he zagwey su zutun egkeehè tew human is tutuu he zagwey zin.

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.