Mateo 17:27 - Manobo Western Bukidnon

²⁷ Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”

Mateo 17:27 Кръстосани препратки

Mateo 17:26

Ne ke si Jesus te, “Ne emun iyan heeyan, ne kenè en ebpekevayad is menge mesipeg te hadì. Ne sikita is mesipeg diyà te Megbevayà, kenà daan kinahanglan he ebeyazan ta is ebpeveyazan te valey zin.

Mateo 18:6

Minsan hentei he etew he pinaag̵i kandin egkeawà is kedsarig kediey te sevaha he vatà, meupiya pa zutun he etew ke edhiketan is lieg din te zekelà he g̵elingan he vatu ne id-agbur ziyà te lawed te zag̵at kenà is silut kandin ke pinaag̵i kandin egkeawà is kedsarig te sevaha he vatà he iring kayi.

Mateo 18:8

Emun iyan ebpekeawà te kedsarig nu kediey is belad nu, emun kenà, ne paa nu, tempeza nu wey itimbag! Su meupiya pa ke pungkul ka is ebeg̵ayan te untung he wazà pidtemanan, kenà te zezuwa is belad nu wey paa nu he idtimbag ka ziyà te hapuy he wazà pidtemanan.

Mateo 5:29

Ne emun iyan nu igkepenulayi is kewanan he mata nu, lug̵ita nu wey itimbag! Meupiya pa ke wazè nu mata, kenà ke igkeagbur ka ziyà te hapuy he Impirnu is tivuuk he lawa nu.

Mateo 5:30

Emun iyan nu igkepenulayi is kewanan he velad nu ne tempeza nu wey itimbag. Meupiya pa ke wazè nu velad, kenà ke igkeagbur te Impirnu is tivuuk he lawa nu.

Marcos 9:42

Iyan, ke zuen minsan hentei he pinaag̵i kandin egkeawà is kedsarig kediey te minsan sevaha kayi te menge vatà he edtuu kediey, meupiya pa zutun he etew ke inhiket diyà te lieg din is zekelà he g̵elingan he vatu ne in-agbur sikandin diyà te lawed te zag̵at, kenà is silut kandin ke pinaag̵i kandin egkeawà is kedsarig te minsan sevaha kayi te menge vatà.

Marcos 9:43

Emun iyan igkeawà te kedsarig nu kedì is belad nu, tempaza nu heini wey itimbag su meupiya pa ke pungkul ka is ebeg̵ayan te untung he wazà pidtemanan kenà te zezuwa is belad nu ne idtimbag ka ziyà te Impirnu he zutun kenà egkeevukan is hapuy.

Lucas 17:2

Meupiya pa ziyà te kandin ke idhiket diyà te lieg din is dekelà he g̵elingan he vatu ne id-agbur ziyà te lawed te zag̵at, kenà is silut kandin emun pinaag̵i kandin egkeawà is kedsarig te minsan sevaha zà kayi te menge vatà.

Juan 6:61

Ne netuenan ni Jesus he zuen menge sumusundan din he neepes te impenurù din, ne ke sikandin diyà te kandan te, “Igkeepes niw ve heini is migkag̵i ku?

Ruma 14:21

Ne iyan meupiya he ulaula is kenè ki egkaan te egkeenen he kunaan te zuma ke indawey, ne kenè ki ed-inum te vinu, wey kenè ta ed-ul-ulahan is minsan hengkey emun pinaag̵i zutun egkepenulayan is minsan hentei.

1 Kurintu 8:13

Ne emun egkehimu he egkepenulayan is duma ku he tumutuu pinaag̵i te kegkaan ku te usa, ne kenà ad maan te minsan keenu egkaan te usa.

1 Kurintu 8:9

Ne minsan pa zutun kinahanglan he purungi niw isipa heini is intug̵ut en keniyu su kela ke tenged keniyu egkesanggen is kedtuu te sevaha he wazè pa sikandin mekesavut te hustu.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

1 Tiselunika 5:22

Likayi niw is minsan hengkey he mezaat.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.