Mateo 17:18 - Manobo Western Bukidnon

¹⁸ Ne midawey ni Jesus is mezaat he mulin-ulin he edlalung dutun te vatà ne impeg̵uwè din ne zutundutun neulian haazà is batà.

Mateo 17:18 Кръстосани препратки

Mateo 12:22

Ne zutun duen nemekeuma he menge etew he zuen miduma zan he maama he nelakap wey neemew tenged te midsuukan sikandin te mezaat he mulin-ulin. Ne mibewian haazà ni Jesus ne segugunà nekekag̵i wey nekeahà.

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Mateo 17:19

Ne is menge sumusundan din, hein iyan dan dà engki Jesus, mid-uvayan dan sikandin. Ne ke sikandan te, “Maan is wazè dey meulii sikan is batà he edlelungen te mezaat he mulin-ulin?”

Mateo 9:22

Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Marcos 1:34

Ne zuen mezakel he egkengezeruwan dutun te migkelingulingu he menge zaru is nengeulian ni Jesus. Mezakel zaan he menge mezaat he mulin-ulin is impemaawè din puun dutun te menge etew. Ne haazà is menge mezaat he mulin-ulin, wazà tug̵uti ni Jesus he mekekag̵i sikandan su nekilala zan ke hentei si Jesus.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Lucas 9:42

Ne hein uvey en haazà is batà diyà te ki Jesus, ne neumahan en maan dutun te edlalung kandin ne nepiley sikandin ne migkerker te utew mezesen. Ne migkeg̵iyan ni Jesus haazà is mezaat he mulin-ulin he ewai zin haazà is edlelungen din. Ne zutundutun neulian haazà is batà. Ne migkag̵i si Jesus dutun te amey te vatà te, “Kuwaa nu en heini is anak nu.”

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.