Mateo 16:6 - Manobo Western Bukidnon

⁶ Hein nekerapas dan en, duen sempità he impezineg kandan ni Jesus. Ke sikandin te, “Andam kew wey niw melikayi is tapey te menge Perisiyu wey Sedusiyu.”

Mateo 16:6 Кръстосани препратки

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 16:11

Maan is wazè niw mesavut he kenà supas is egkeg̵iyen ku? Andam kew wey kew mekelikey te tapey te menge Perisiyu wey Sedusiyu.”

Mateo 16:12

Ne human mesavut te menge sumusundan din haazà he kenà iyan ebpelikayan din kandan is idtapey te supas, kekenà, iyan is ibpenurù te menge Perisiyu wey Sedusiyu.

Mateo 16:5

Ne midlayun dutun te ranew is menge sumusundan ni Jesus, ne wazè dan mekeuwit te supas su nelipatan dan.

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 12:15

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

Juan 4:33

Ne zutun mibpein-inseey zan te, “Duen be vuwa nekeveg̵ey kandin te egkeenen?”

Gelasya 5:9

Haazà is tarù he tuluuwen he impenurù keniyu, ne iring te tapey emun ebaal ki te supas su minsan deisek dà is id-amut dutun te zekelà he midhames he erina, egketepayan gihapun is tivuuk he supas.